ខេត្តរតនគិរីៈ ៖ នៅថ្ងៃទី០៧ ខែតុលា ឆ្នាំ2015នេះ តំណាងសហគមន៍៧នាក់ មកពីភូមិចាគ្រៀង ឃុំកិចុង ស្រុមបរកែវ ខេត្តរតនគិរី បានមកស្នើសុំជួយអន្តរាគមពីអង្គការលីកាដូ ដោយប្តឹង ឈ្មោះទីង សួត ភេទប្រុស អាយុប្រ៥២ឆ្នាំ មានទីលំនៅក្នុងភូមិឃុំខាងលើ ប្តឹងពីបទលក់ដីព្រៃរបស់សហគមន៍ទៅឲ្យអធិការស្រុកបរកែវ និង កាប់បំផ្លាញព្រៃឈើយ៉ាងអនាធិបតេយ្យ ។
លពីថ្ងៃទី២៦ ខែកញ្ញា ២០១៥ ថ្មីៗនេះ សហគមន៍បាននាំគ្នាជាង១០០នាក់ទៅឃាត់ ទីង សួតមិនអោយកាប់បំផ្លាញព្រៃឈើ ហើយចាប់បានភស្តុតាង ដូចជាកាំបិត៩ និងម៉ាស៊ីនត្រង់តឺន័រ២គ្រឿង ស្រាប់តែទីង សួតគំរៀម គំហែងថា ចាំមើលចាប់ពីថ្ងៃស្អែកទៅ បើមានអ្នកណាហ៊ានចូលកន្លែងមានទំនាស់នោះខ្លួន នឹងកាប់សម្លាប់ចោល ហើយទីង សួត បន្តថាចាំមើលពួកឯងអញនឹងទិញកាំភ្លើង១ដើម បើអ្នកណាហ៊ានមករេរាំងអញៗនឹងបាញ់ចោលតែម្តង។
សហគមន៍បន្តថា បុគ្គលទីង សួន អាង អាជ្ញាធរមូលដ្ឋាន និងលោកអធិការស្រុក មេព្រៃ ទើបហ៊ានលក់ដីសហគមន៍ និងកាប់បំផ្លាញព្រៃឈើ ។
តំណាងសហគមន៍ទាំង៧នាក់ក៏អំពាវនាវដល់អាជ្ញាធរមូលដ្ឋាន មានសមត្ថកិច្ច និងអាជ្ញាធរពាក់ព័ន្ធមេត្តាជួយអន្តរាគម និងទប់ស្កាត់ផង ព្រមទាំងអ្នកសារព័ត៌មានជាតិជួយផ្សព្វផ្សាយផង៕
