ខេត្តកំពត÷នាព្រឹកថ្ងៃទី២៣ ខែតុលា ឆ្នាំ២០២៥ លោក អូន ខន អភិបាល នៃគណៈអភិបាលស្រុក លោក សោម យ៉ាន ប្រធានក្រុមប្រឹក្សាស្រុក បានអញ្ជើញចូលរួមជាអធិបតីក្នុងពិធីប្រគល់ទទួលឧបករណ៍ចម្រោះទឹកស្អាត OSMOSIS ក្រោមជំនួយហិរញ្ញប្បទានរបស់ប្រទេសចិន ផ្ដល់ជូនសាលាបឋមសិក្សា និងអនុវិទ្យាល័យថ្មបើក ដើម្បីចូលរួមលើកកម្ពស់សុខុមាលភាព និងសុវត្ថិភាពក្នុងការបរិភោគទឹក របស់សិស្សានុសិស្ស និងសហគមន៍ទាំងមូល។
ពិធីនេះមានការអញ្ជើញចូលរួមពីលោក ហុង ចំណាន ប្រធាននាយកដ្ឋានអភិរក្សតំបន់ដីសើមទឹកសាប នៃក្រសួងបរិស្ថាន និងលោក គុយ សិនយូ អគ្គនាយកការិយាល័យសហប្រតិបត្តិការអេកូឡូស៉ី និងបរិស្ថាន ខេត្តយូណាន នៃសាធារណរដ្ឋប្រជាមានិតចិន លោកអភិបាលរងស្រុក លោកនាយករងរដ្ឋបាល កងកម្លាំង លោក លោកស្រីមន្ត្រីរាជការ អាជ្ញាធរមូលដ្ឋាន លោកស្រីនាយិកាសាលា លោកគ្រូ អ្នកគ្រូ និងបងប្អូនប្រជាពលរដ្ឋចំនួន ៥០នាក់៕
ប្រភពពីរដ្ឋបាលស្រុកកំពង់ត្រាច
