ខេត្តប៉ៃលិន៖ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន នៅថ្ងៃទី២១ ខែតុលា ឆ្នាំ២០២៥នេះ បានអញ្ជើញចូលរួមក្នុង កិច្ចប្រជុំគណៈកម្មការចម្រុះខណ្ឌសីមាព្រំដែនគោក កម្ពុជា–ថៃ (JBC) ដែលកំពុងចាប់ផ្ដើមនៅខេត្តចន្ទបុរី ប្រទេសថៃ ។
កិច្ចប្រជុំគណៈកម្មការចម្រុះលើកនេះ ភាគីកម្ពុជា ដឹកនាំដោយលោក ឡាំ ជា រដ្ឋមន្រ្តីទទួលបន្ទុករដ្ឋលេខាធិការដ្ឋានកិច្ចការព្រំដែន និងជាប្រធានគណៈកម្មការចម្រុះព្រំដែនកម្ពុជា–ថៃ ដោយមានសមាសភាពអន្តរក្រសួង និងតំណាងពីបណ្តាខេត្តជាប់ព្រំដែនកម្ពុជា–ថៃចូលរួមផងដែរ។
ចំណែកភាគីថៃ ដឹកនាំដោយលោក Prasas Prasasvinitchai ទីប្រឹក្សាក្រសួងការបរទេស និងជាប្រធានគណៈកម្មការចម្រុះព្រំដែនថៃ–កម្ពុជា ដោយមានតំណាងប្រតិភូអមដទៃទៀតចូលរួម៕សេន ត
