ផ្សារទំនើបបឹងត្របែកផ្លាហ្សា បានក្លាយទៅជាសំបុក ល្បែង ស៊ីសងខុសច្បាប់ គ្រប់ប្រភេទ មានទាំង ខារ៉ាអូខេ ក្លឹបកំសាន្ត  បែរជាមិនរំខានដល់ អាជ្ញាធរ និងសមត្ថកិច្ច ពាក់ព័ន្ធ ប្រចាំតំបន់ទៅវិញ

ភ្នំពេញ÷ផ្សារទំនើបបឹងត្របែកផ្លាហ្សា បានក្លាយទៅជា ផ្សារ ចែកចាយ បនល្បែងខុសច្បាប់គ្រប់ប្រភេទ ទៅវិញ មានទាំងខារ៉ាអូខេ  ក្លឹបកំសាន្ត ថែមទៀតផង
នេះជាចំណុចខ្សោយ របស់អាជ្ញាធរពាក់ព័ន្ធប្រចាំតំបន់ ចំណែក លោក វរៈសេនីយ៍ឯក ហួរ ម៉េង​ហួន អធិការនគរបាលខណ្ឌចំការមន និងលោក កៀង ល័ក្ស អភិបាលខណ្ឌចំការមន ប្រហែលជាមិនបានដឹងហើយមើកទៅ បានជារក្សាភាពស្ងៀមស្ងាត់មិនចុះបង្ក្រាប ទីតាំង សំបុកល្បែងស៊ីសងខុសច្បាប់គ្រប់ប្រភេទ និង ខារ៉ាអូខេ ក្លឹបកំសាន្ត ស្ថិតនៅផ្សារទំនើបផ្លាសាបឹងត្របែក ជាន់ខាងលើ.នៃផ្សារទំនើប មួយនេះ។

ប្រភពព័ត៌មានសុំមិនបញ្ចេញ ឈ្មោះបានផ្ដល់ព័ត៌មាន ឲ្យអង្គភាពអ្នក សារព័ត៌មានយើងបានដឹងថា នៅក្នុងក្លឹបកំសាន្តនៃផ្សារទំនើបបឹងត្របែកផ្លាហ្សានេះ ក៏មានការប្រើប្រាស់ថ្នាំគ្រវី នឹងបារីអេឡិចត្រូនិចផងដែរ។

មហាជននិងប្រជាពលរដ្ឋរស់នៅក្នុង រាជធានីភ្នំពេញ បាននិយាយ ចាកចេក ចាក់ស្ករតាម តុកាហ្វេ បានចោទសួរថា តើភាពអសន្តិសុខសង្គមបែបនេះមែនទេ គឺអាជ្ញាធរ និងសមត្ថកិច្ច ឬក៏មន្ត្រីជំនាញណាខ្លះដែលមានកាតព្វកិច្ច ក្នុងការបង្ក្រាបបទល្មើសទាំងអស់នេះ ។ឬមួយថាពួកគាត់ទុកឱ្យមានបទល្មើស ក្លឹបកំសាន្តបង្កប់ ទៅ ដោយការជួញដូរផ្លូវភេទ គ្រឿងញៀន ល្បែងស៊ីសងខុសច្បាប់ នឹងភាពអាណាធិបតេយ្យបែប នេះកើតឡើង
ដើម្បីទុកបម្រើផលប្រយោជន៍ឲ្យពួកគាត់បន្តទៅមុខទៀតឬយ៉ាងណា.?

ប្រជាពលរដ្ឋរស់នៅតំបន់នោះស្នើសុំលោក កៀង ល័ក្ស អភិបាលខណ្ឌចំការមន និងលោកវរសេនីយ៍ឯក ហួរ ម៉េង​ហួន អធិការនគរបាល ខណ្ឌចំការមន មេត្តា​ចុះ អន្តរាគមន៍ ទៅលើទីតាំងខាងលើនេះផងទាន សៀសវៀង មតិមួយចំនួនចោតថា
កន្ទេលធំ ប្រលំដេក ទើបបានជា បណ្ដែត បណ្ដាលឱ្យនៅក្នុងមូលដ្ឋានខណ្ឌចំការមន មានភាពអសន្តិសុខបែបនេះ។

ជាពិសេសប្រជាពលរដ្ឋនៅក្នុងមូលដ្ឋានខណ្ឌចំការមន ក៏បានស្នើសុំទៅដល់ឯកឧត្តម ឃួង ស្រេង អភិបាលរាជធានីភ្នំពេញនិងសូម ឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរង នឹង ជាស្នងការដ្ឋាននគរបាលរាជធានីភ្នំពេញ សូមមេត្តា ចាត់កម្លាំងជំនាញចុះស៊ើបអង្កេត​ស្រាវជ្រាវ និងបង្ក្រាប ទីតាំងសំបុកល្បែងដុះស្លែដ៏ធំសម្បើមមហិមា មួយនេះនៅក្នុងផ្សារទំនើប បឹងត្របែកផ្លាហ្សា ជាន់ខាងលើដោយក្តីអនុគ្រោះផងទាន។

សូមរំលឹកថា: កាលពីថ្ងៃ ទី១៨ ខែកុម្ភះ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។

អង្គភាពសារព័ត៌មានយើងខ្ញុំ ផ្សព្វផ្សាយព័ត៌មាននេះ គ្រាន់តែចង់ជម្រាបជូនមហាជន នឹងថ្នាក់ដឹកនាំ ជ្រាបជាព័ត៌មាន  ក្នុងព្រឹត្តិការណ៍អ្វីដែលកើតមាននៅក្នុងមូលដ្ឋានតែប៉ុណ្ណោះ។

អង្គភាព យើងខ្ញុំ គ្រាន់តែជាកញ្ចក់ឆ្លុះបញ្ចាំង រិះគន់ ក្នុងន័យស្ថាបនា  និងសូមរង់ចាំទទួលការឆ្លើយបំភ្លឺគ្រប់ស្ថាប័នពាក់ព័ន្ធ រៀងរាល់​ម៉ោងធ្វើការតាមច្បាប់ស្តីពីរបប  អ្នកសារព័ត៌មាននៅកម្ពុជា សូមអរគុណ៕