ប៉ៃលិន ៖ ផ្លូវប៉េតុងអាមេប្រវែង៥០០ម៉ែត្រចំណាយថវិកាសាងសង់អស់ជាង១០ម៉ឺនដុល្លារ ដែលជាជំនួសរបស់ប្រទេសជប៉ុន ត្រូវបានសម្ភោធដាក់ឱ្យប្រើប្រាស់ជាផ្លូវការ ដើម្បីសម្រួលដល់ការលំបាកក្នុងធ្វើដំណើរបស់ប្រជាពលរដ្ឋ ។
ពិធីនេះត្រូវបានធ្វើឡើងកាលពីព្រឹកថ្ងៃទី៧ខែតុលាឆ្នាំ២០១៥ នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ក្រោមអធិបតីភាពលោក កើត សុធា អភិបាលខេត្តប៉ៃលិន លោក ជីបា តៃហ្សូ អគ្គលេខាធិកាទី២ តំណាងដ៍ខ្ពង់ខ្ពស់លោក គូម៉ាម៉ារូយូជិ ឯកអគ្គរាជទូតជប៉ុនប្រចាំប្រទេសកម្ពុជា ដោមានការចូលរួមពីមន្ត្រីរាជការ ប្រជាពលរដ្ឋ និងសិស្សានុសិស្សជាច្រើននាក់ផងដែរ ។
លោក ឌឹន គឹម ប្រធានមន្ទីរសាធារណៈការ និងដឹកជញ្ចូនខេត្តប៉ៃលិនបានឱ្យដឹងថាផ្លូវបេតុង អាមេមួយខ្សែនេះមានប្រវែង៥០០ម៉ែត្រ មានទទឹកផ្លូវ៤ម៉ែត្រ ចាក់បេតុងកម្រាស់មួយតឹក។ផ្លូវនេះចាប់ផ្តើមស្ថាបនានៅថ្ងៃទី២៤ខែមេសាឆ្នាំ២០១៥ ដោយក្រុមហ៊ុន វី.អ.ភី (VRP Co.Ltd ) ហើយត្រូវបានរួចរាល់ជាស្ថាពរ នៅដើមខែតុលាឆ្នាំ២០១៥ នេះដោយចំណាយថវិកាអស់ចំនួន ៩៣ ៩៥៧ ដុល្លារអាមេរិក ដែលជាអំណោយរបស់ប្រទេសជប៉ុន ។
លោក ជីបា តៃហ្សូ អគ្គលិខាធិកាទី២ នៃឯកអគ្គរាជទូតជប៉ុនប្រចាំប្រទេសកម្ពុជាបានមានប្រសាន៍ថាការកែលម្អប្រព័ន្ធលូទឹក និងគម្រោងកែលម្អផ្លូវបេតុងអាមេ គឺជាវិស័យអាទិភាពនៃកិច្ចសហប្រតិបត្តិការរបស់ជប៉ុន និងកម្ពុជា ។
លោកបានបន្តថា ការសាងសង់ផ្លូវបេតុងមួយខ្សែនេះអាចផ្តល់អត្ថប្រយោជន៍ដល់ប្រជាពលរដ្ឋប្រមាណជា៦ម៉ឺននាក់ដែលរស់នៅតំបន់នេះ ដោយផ្តល់ភាពងាយស្រួលក្នុងការធ្វើដំណើទៅកាន់មន្ទីរ ទៅសាលារៀន និងទៅផ្សារជាដើម ។
លោក កើត សុធា អភិបាលខេត្តប៉ៃលិនបានមានប្រសាសន៍ថ្លែងអំណរគុណដល់រដ្ឋាភិបាលនិងប្រជាជនជប៉ុន ដែលបានផ្តល់អំណោយជាថវិកាសម្រាប់ការសាងសង់ផ្លូវមេតុងជូនដល់ប្រជាពលរដ្ឋនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ នេះសបញ្ជាក់ឱ្យឃើញពីកិច្ចសហប្រតិបត្តិការល្អក្នុងការរួមចំណែកលើកស្ទួយជីវភាពប្រជាពលរដ្ឋឱ្យកាន់តែប្រសើរឡើង ។
លោក កើត សុធា បានបញ្ជាក់ថា សូមឲ្យបងប្អូនប្រជាពលរដ្ឋអ្នកធ្វើដំណើរនិងអ្នកបើកបរចាក់យន្តយន្ន័ ព្រមទាំងបងប្អូនហើយ
សិក្សានុសិស្ស ដែលរស់នៅសងម្ខាងផ្លូវឲ្យចេះជួយសំអាតថែរក្សាផ្លូវនេះដើម្បីឱ្យប្រើប្រាស់បានយូរអង្វែងទៅថ្ងៃអនាគត់ យើង
ទាំស៊ងអស់គ្នា ៕
ស សារ៉េត ស សារឿន
