ខេត្តរតនគិរី ៖ មន្ត្រីនាយរងសង្កាត់រដ្ឋបាលព្រៃឈើ បើករថយន្តស្ទាកជំរិតទារប្រាក់ពីឈ្មួញរកស៊ីឈើប្រណីតអនាធិបតេយ្យ ដែលមិនបានឈប់ចូលទៅបង់លុយអោយខ្លួននៅកន្លែងនិងតាមការកំណត់ ។
បើយោងតាមសេចក្តីរាយការណ៍ពីអ្នកជួញដូរឈើប្រណិតអនាធិបតេយ្យតាមបណ្តោយផ្លូវជាតិលេខ៧៨ទៅលក់នៅប្រទេសវៀតណាមបានឲ្យដឹងថា ជារៀងរាល់ថ្ងៃពេលអោយតែម្ចាស់រថយន្តដឹកឈើទៅលក់អោយឈ្មួញនៅប្រទេសវៀតណាម បើមិនបានឈប់បង់លុយនៅនឹងកន្លែងដែលសំកុកចាំ ហើយតាមការកំណត់នោះគឺនាយរងសង្កាត់រដ្ឋបាលព្រៃឈើលោកហេង ទី តែងតែបើករថយន្តរបស់ខ្លួនម៉ាកបាឡែន ពណ៌ត្រីឆ្លូញ ពាក់ស្លាកលេខ ភ្នំពេញ 1518។
បើកស្ទាក់ជំរិតទារប្រាក់ពីឈ្មួញជួញដូរឈើប្រណិត ជាក់ស្តែងនៅតាមបណ្តោយផ្លូវជាតិលេខ៧៨ស្ថិតនៅភូមិសោមធំ ឃុំ សោមគល់ ស្រុកអូរយ៉ាដាវ កាលពីវេលាម៉ោងជិត៤ល្ងាច ថ្ងៃទី៤ លោកហេង ទីបានបើករថយន្តរបស់ខ្លួនស្ទាក់រថយន្តដឹកឈើប្រណិតរបស់ស្ត្រីម្នាក់ម៉ាកកូរ៉េ ពណ៌ឈាមជ្រូក ដែលដាក់ឈើប្រណិតក្នុងរថយន្តមួយចំនួន និងក្នុងគំរបដំបូរមួយចំនួនបំរុងយកទៅលក់នៅប្រទេសវៀតណាម ប៉ុន្តែការជំរិតទារប្រាក់ពីស្ត្រីវ័យចំណាស់នោះប៉ុន្មានៗនោះគេមិនអាចដឹងបាននោះទេ ព្រោះក្រោយពីអ្នកកាសែតថតរូបភាពរួច លោកហេង ទី បានបើករថយន្តគេចបាត់ស្រមោល។ ហើយទង្វើរបស់លោក ហេង ទី បើករថយន្តស្ទាក់រថយន្តដឹកឈើប្រណីតអនាធិបតេយ្យ តាមបណ្តោយផ្លូវជាតិលេខ៧៨ទៅលក់អោយឈ្មួញវៀតណាម ដើម្បីជំរិតទារប្រាក់តាមមហិច្ឆិតារបស់លោកហេង ទី នេះទទួលបទបញ្ជាពីលោកឆេង គឹមស៊ុន នាយករដ្ឋបាលព្រៃឈើ ឫក៏លោកឆេង គឹមស៊ុនមិនដឹងនោះទេ៕
តាជួង
