(បន្ទាយមានជ័យ) ថ្ងៃព្រហស្បតិ៍ ១១រោច ខែពិសាខ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី២២ ខែឧសភា ឆ្នាំ២០២៥ លោកវរសេនីយ៍ឯក យ៉ែម ឡុម មេបញ្ជាការរង តំណាងដ៏ខ្ពង់ខ្ពស់ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ បានដឹកនាំក្រុមការងារនាំយកថវិកាមូលនិធិមិត្តរួមអាវុធ ចុះសួរសុខទុក្ខយោធិនជួបការលំបាក ដែលមានជំងឺចំនួន ២នាក់ ១.លោកអនុសេនីយ៍ឯក ឈាង ឆោម មេបញ្ជាការកងអុសេនាធំទី៣ វរសេនាតូចថ្មើរជើងលេខ៥១២ មានជំងឺ ដុះសាច់ខួរក្បាល ផ្ដល់ជូនថវិកាចំនួន ១.០០០.០០០រៀល ។
២.លោកអនុសេនីយ៍ត្រី ញិប តារា មេបញ្ជាការកងអនុសេនាតូចទី១ កងអនុសេនាធំទី៣ វរសេនាតូចថ្មើរជើងលេខ៥១២ ដែលបានជួបគ្រោះថ្នាក់ចរាចរបណ្ដាលឲ្យពិការជើងម្ខាង ផ្ដល់ជូនថវិកាចំនួន ៨០០.០០០រៀល យោធិនទាំងពីរនាក់កំពុងសម្រាកព្យាបាលនៅក្នុងអង្គភាព ។
ក្នុងឱកាសនោះដែរ លោកមេញ្ជាការរង បានពាំនាំការផ្ដាំផ្ញើសួរសុខទុក្ខរបស់ឧត្តមសេនីយ៍មេបញ្ជាការ កងពល ដល់យោធិនទាំងពីរមានជំងឺឱ្យខិតខំយកចិត្តទុកដាក់ថែទាំសុខភាព និងអនុវត្តតាមវិជ្ជបញ្ជារបស់គ្រូពេទ្យឱ្យបានទៀតទាត់ ជៀសវាងធ្វើការធ្ងន់ហួសកម្រិត ដែលអាចបង្កឱ្យគ្រោះថ្នាក់ដល់អាយុជីវិត។
គួបញ្ជាក់ថា នេះគឺជាការយកចិត្តទុកដាក់របស់ឧត្តមសេនីយ៍មេបញ្ជាការកងពល ដល់យោធិនក្រោមឱវាទដែលជំងឺ និងគ្រោះថ្នាក់ផ្សេងៗ ព្រមទាំងផ្តល់នូវថវិកាមួយចំនួនជូនអ្នកជំងឺ ដើម្បីជួយសម្រាលបន្ទុកព្យាបាល។ គ្រួសារយោធិនមានជំងឺ ក៏បានថ្លែងអំណរគុណយ៉ាងជ្រាលជ្រៅ ចំពោះឧត្តមសេនីយ៍មេបញ្ជាការកងពល ព្រមទាំងថ្នាក់ដឹកនាំគ្រប់លំដាក់ថ្នាក់កងពលតូចថ្មើរជើងលេខ៥១ សូមជួបតែសេចក្ដីសុខ សេចក្តីចម្រើន សុភមង្គល ក្នុងក្រុមគ្រួសារ ។
