បន្ទាយមានជ័យ៖ នៅរសៀលថ្ងៃទី១២ ខែឧសភា ឆ្នាំ២០២៥នេះ លោកឧត្តមសេនីយ៍ត្រី រ៉ែម វីរៈ ស្នងរងផែនការងារសេនាធិការ តំណាងលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំក្រុមការងារអ្នកនាំពាក្យ និងប្រតិកម្មរហ័ស ប្រជុំត្រួតពិនិត្យវឌ្ឍនៈភាពការងារ រយៈពេល៤ខែ ដើម
នៅស្នងការដ្ឋាននគរបាលខេត្ត។
កិច្ចប្រជុំនេះមានការអញ្ជើញចូលរួមពីលោក លោកស្រី វរសេនីយ៍ នាយការិយាល័យជំនាញទាំង៣១ លោកអធិការរង មេបញ្ជាការរង និងលោក លោកស្រីមន្ត្រីនគរបាលដែលជាសមាជិកក្រុមការងារអ្នកនាំពាក្យនិងប្រតិកម្មរហ័ស មកពីបណ្តាអធិការដ្ឋាននគរបាលក្រុងស្រុក និងវរសេនាតូចនគរបាលការពារព្រំដែនគោកទាំង៤។
លោកឧត្តមសេនីយ៍ត្រី រ៉ែម វីរៈ បានថ្លែងកោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែងកន្លងមករបស់លោក លោកស្រី គ្រប់ផ្នែកពាក់ព័ន្ធ រហូតសម្រេចបានលទ្ធផលគួរជាទីមោទនៈ។លោកក៏បានជម្រុញដល់ក្រុមការងារអ្នកនាំពាក្យនិងប្រតិកម្មរហ័ស ត្រូវបន្តយកចិត្តទុកដាក់បន្ថែមលើការងារនេះ បន្តពង្រឹងការប្រមូលព័ត៌មានទាំងឡាយក្នុងភូមិសាស្ត្ររបស់ខ្លួន ហើយឆ្លើយតបឲ្យបានទាន់ពេលវេលាប្រកបដោយប្រសិទ្ធភាព រួមគ្នាលុបបំបាត់រាល់ព័ត៌មានក្លែងក្លាយ សំដៅធ្វើយ៉ាងណាធ្វើឲ្យខេត្តបន្ទាយមានជ័យទាំងមូល មានសន្តិសុខ សណ្តាប់ធ្នាប់ សុវត្ថិភាពល្អ។
