បន្ទាយមានជ័យ: ដើម្បីធានាបាននូវសន្តិសុខសណ្ដាប់ធ្នាប់សាធារណៈ និងសុវត្ថិភាពសង្គមជូនប្រជាពលរដ្ឋ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី២៨ ខែមេសា ឆ្នាំ២០២៥ បានចាត់បញ្ជូនលោកស្រី វរសេនីយ៍ទោ សែ សុវ៉ារី នាយការិយាល័យ សុខាភិបាល ដឹកនាំក្រុមការងារសុខាភិបាល
ចុះពិនិត្យព្យាបាលជម្ងឺជូន កម្លាំងនគរបាលតាមបណ្តាអធិការដ្ឋាននគរបាលក្រុង-ស្រុកទាំង៩ និង បញ្ជាការវរៈសេនាតូចនគរបាលការពារព្រំដែនគោកទាំង៤។
ជាក់ស្ដែងនៅថ្ងៃថ្ងៃចន្ទនេះ ពេលព្រឹក ក្រុមការងារគ្រូពេទ្យ បានចុះអធិការដ្ឋាននគរបាលស្រុកភ្នំស្រុក បានពិនិត្យសុខភាពជូនកម្លាំងសរុប៤៨នាក់ ស្រី១៣នាក់។ បានព្យាបាល៧៣ករណី ចំណាយឱសថគ្រាប់អស់៥២៥គ្រាប់ ថ្នាំដបអស់១២ដប។ ពេលរសៀល ចុះអធិការព្រះនេត្រព្រះ -បានពិនិត្យសុខភាពជូនកម្លាំងសរុប៦០នាក់ ស្រី០៧នាក់។ បានព្យាបាល៨៨ករណី ចំណាយឱសថគ្រាប់អស់៥៨៤គ្រាប់ ថ្នាំដបអស់១០ដប។
ក្នុងគោលបំណង នៃការចុះត្រួតពិនិត្យសុខភាពជូនកម្លាំងនគរបាលជាតិនាពេលនេះ គឺដើម្បីធានាដល់កងកម្លាំងនគរបាល មានសុខភាពល្អមានកម្លាំងមាំមួន ក្នុងការបំរើការងារប្រចាំថ្ងៃ ឬ បំពេញបេសកកម្ម ចុះប្រតិបត្តិការយាមល្បាតការពារសន្តិសុខ សុវត្ថិភាព ជូនប្រជាពលរដ្ឋតាមមូលដ្ឋាន ឲ្យកាន់តែល្អប្រសើរថែមទៀត៕
