(ខេត្តកែប)៖ កាលពីព្រឹកថ្ងៃសៅរ៏ ៧កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែមករា ឆ្នាំ២០១៩ លោក កែន សត្ថា ប្រធានគណៈកម្មាធិការសាខាកាកបាទក្រហមខេត្ត រួមដំណើរដោយ លោក លោកស្រីជាសមាជិក សមាជិកាគណៈកម្មាធិការសាខាកាកបាទក្រហមខេត្ត សាខា អនុសាខាកាកបាទក្រហមក្រុង ក្រុមប្រឹក្សាក្រុង សង្កាត់ អញ្ជេីញចូលរួមបុណ្យសពលោក សេង សុភាព អាយុ ៤៣ឆ្នាំ មានកូនក្នុងបន្ទុក ០៩ នាក់ ស្រី ០៣នាក់ ដែលជនរងគ្រោះបានទទួលមរណៈភាពដោយគ្រោះថ្នាក់ចរាចរណ៏ កាលពីពេលថ្មីៗនេះ។
ក្នុងឱកាសនោះដែរ លោក កែន សត្ថា ប្រធានគណៈកម្មាធិការសាខាកាកបាទក្រហមខេត្ត បានមានប្រសាសន៏ផ្តាំផ្ញើ ចូលរួមរំលែកទុក្ខយ៉ាងក្រៀមក្រំ និងលើកទឹកចិត្តដល់ក្រុមគ្រួសារសព ដោយបានពាំនាំការផ្តាំផ្ញើ សួរសុខទុក្ខ និងចូលរួមរំលែកទុក្ខពីសំណាក់សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជាផងដែរ នឹងបាននាំយកអំណោយរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមមានគ្រឿងឧបភោគ បរិភោគ ជាអង្ករ ១០០ គ.ក្រ ទឹកបរិសុទ្ធ០២កេះ ទឹកក្រូច ១កេះ មី ០២កេះ ទឹកត្រី០២ឡូ ត្រីខកំប៉ុង ០២យួរ នឹងថវិកា ១.២០០.០០០ រៀល ប្រគល់ជូនដល់ក្រុមគ្រួសារសពទុកចាត់ចែងធ្វេីបុណ្យតាមប្រពៃណីនៅគេហដ្ឋាននៃសព ដែលស្ថិតក្នុងភូមិកែវក្រសាំង សង្កាត់កែប ក្រុងកែប ខេត្តកែប។
ជាមួយនេះ ក្រុមគ្រួសារសពទាំងមូល ក៏សូមថ្លែងអណរគុណយ៉ាងជ្រៀលជ្រៅចំពោះសាខាកាកបាទក្រហមកម្ពុជាខេត្តកែប ពិសេសសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចតែងតែគិតគូរ និងយកអាសារដល់ប្រជាពលរដ្ឋងាយរងគ្រោះគ្រប់ជំពូក នៅទូទាំងប្រទេស៕
សេង ណារិទ្ធ
