(ខេត្តកំពត)៖ នៅព្រឹកថ្ងៃព្រហស្បតិ៍៥កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែមករា ឆ្នាំ២០១៩ លោក អូន ខន អភិបាល នៃគណៈអភិបាលស្រុក និងជាអនុប្រធានគណ: កម្មាធិការគណបក្សប្រជាជនកម្ពុជាស្រុកកំពង់ត្រាច បានអញ្ជើញចូលរួមក្នុងអង្គមីទ្ទីញរំលឹកខួបទី៤០ នៃទិវាជ័យជម្នះ ៧មករា(៧ មករា ១៩៧៩-៧ មករា ២០១៩) ក្រោមអធិបតី លោក អ៊ុង វណ្ណារឹទ្ធិ សមាជិកអចិន្ត្រៃយ៍ខេត្ត និងជាអនុប្រធានក្រុមការងារខេត្តចុះជួយស្រុកកំពង់ត្រាច និង លោក ហាស សុវណ្ណា សមាជិកថ្នាក់កណ្តាលចុះជួយស្រុកកំពង់ត្រាច នៅទីស្នាក់ការគណបក្សប្រជាជនកម្ពុជា ស្រុកកំពង់ត្រាច ខេត្តកំពត។
អង្គមីទ្ទីញទាំងមូលបានការអញ្ជើញចូលរួមពីសំណាក់លោក លោកស្រី ប្រធាន អនុប្រធាននិងសមាជិកអចិន្ដ្រៃយ៍គណបក្សស្រុក, គណបក្សមូលដ្ឋានភូមិ ឃុំ, យុវជនស្រលាញ់សន្តិភាព, យុវជនសហភាពសហព័ន្ធកម្ពុជា, យុវជនគណ បក្សប្រជាជន, លោកគ្រូ អ្នកគ្រូ និងសិស្សានុសិស្ស សរុបប្រមាណចំនួន៥០០នាក់។
ក្នុងអង្គមិទ្ទីញ លោក អ៊ុង វណ្ណរឹទ្ធិ បានគូសបញ្ជាក់ថា យើងទាំងអស់គ្នាត្រូវចងចាំថ្ងៃ៧មករា ព្រោះជាថ្ងៃកំណើតទី២របស់យើង ៧មករា ១៩៧៩គឺជាថ្ងៃជ័យជម្នះជាប្រវតិ្តសាស្ត្ររបស់ប្រជាជនកម្ពុជាដែលបានវាយផ្តួលរំលំរបបប្រល័យពូជសាសន៍ ប៉ុល ពត បញ្ចប់សម័យកាលដ៏ខ្មៅងងឹត។ ថ្ងៃ៧មករា ១៩៧៩ គឺជាការបើកនូវទំព័រសរាជថ្មី នៃឯករាជ្យ សេរីភាព ប្រជាធិបតេយ្យនិងវឌ្ឍនភាពសង្គម។ដូច្នេះយើងទាំងអស់គ្នាពិតជាចងចាំនូគណូបការៈដ៏ឧត្តុង្គឧត្តមរបស់វីរកម្មាភិបាល យុទ្ធជន យុទ្ធនារីនៃរណសិរ្សសាមគ្គីសង្គ្រោះជាតិកម្ពុជា និងវីរកងទ័ពស្ម័គ្រចិត្តវៀតណាម ដែលបានធ្វើការលះបង់យ៉ាងធំធេងក្នុងការប្រយុទ្ធផ្តួលរំលំរបបប្រល័យពូជសាសន៍ ប៉ុល ពត និងការពារនៃការរស់ឡើងវិញរបស់ប្រជាជនកម្ពុជាយើង៕
សេង ណារិទ្ធ
