(កំពង់ឆ្នាំង)៖ក្រោយពីមានការបែកធ្លាយលើបណ្តាញសង្គម ដែលចេញដោយអាខោនហ្វ៊េសប៊ុកមួយឈ្មោះ(មនុស្សមាត់ដាច) ដោយបានរៀបរាប់ពីភាពមិនប្រក្រតី របស់មន្ត្រីសុរិយោដី ពីរឿងតម្លៃសេវាថ្លៃរត់ការ កាត់ឈ្មោះផ្ទេរកម្មសិទ្ធិដីធ្លីនៅក្នុងមន្ទីរសុរិយោដីខេត្តកំពង់ឆ្នាំង។
នៅព្រឹកថ្ងៃនេះ មន្ទីររៀបចំដែនដី នគររូបនីយកម្ម សំណង់ និងសុរិយោដីខេត្ត ដែលមាន លោក លី សុភា ជាប្រធាន បានចេញសេចក្តីប្រកាស់ព័ត័មាន តបនិង facebook ឈ្មោះ «មនុស្សមាត់ដាច» កាលពីថ្ងៃទី 06/01/2019 គឺមិនមែនជាការពិតទេ នេះគ្រាន់តែជាល្បិច របស់បុគ្គលខិលខូច ដែលផ្សព្វផ្សាយព័ត៍មាន គ្មាននូលដ្ឋានច្បាស់លាស់ បំភ្លៃការពិត ដើម្បីអោយសាធារណ:ជនមានការភ័ន្តច្រឡុំ។(សូមពិនិត្យមើលក្នុងលិខិតប្រកាស់)។
សូមរំលឹកថា កាលពីម្សិលមិញ(06/01/2019) មនុស្សមាត់ដាចបានសសេរថា: សេចក្ដីជូនដំណឹងអំពីតម្លៃសេវាថ្លៃរត់ការកាត់ឈ្មោះផ្ទេរកម្មសិទ្ធិដីធ្លីនៅក្នុងមន្ទីរសូរិយោដីខេត្តកំពង់ឆ្នាំង ដើម្បីរត់ការអោយបានលឿន៖
– សម្រាប់ក្រុងកំពង់ឆ្នាំងថ្លៃរត់ការកាត់ផ្ទេរឈ្មោះដីធ្លីក្នុងមួយប័ណ្ណដីតម្លៃចន្លោះពី400$-500$-សម្រាប់ស្រុកផ្សេងៗទៀតថ្លៃរត់ការកាត់ផ្ទេរឈ្មោះដីធ្លីក្នុងមួយប័ណ្ណដីតម្លៃចន្លោះពី300$-350$
សម្រាប់ការធ្វើប័ណ្ណដីថ្មី។
-ក្រុងកំពង់ឆ្នាំងសុំធ្វើប័ណ្ណថ្មីតម្លៃពី600$-650$ក្នុងមួយប័ណ្ណ
-ស្រុកផ្សេងៗទៀតសុំធ្វើប័ណ្ណថ្មីតម្លៃពី400$-450ក្នុងមួយប័ណ្ណដោយមិនបូកថ្លៃវាស់វែងដែលខាងមន្ត្រីមន្ទីរសូរិយោដីខេត្តគេចុះទៅវាស់វែងទេ ដោយការវាស់វែងគេគិតក្នុងមួយហិចតាតម្លៃ30$បន្ថែមទៀត
ចំពោះការសុំធ្វើស្ថានីយ័ប្រេងតម្លៃប្រហែល15000$ និងសុំធ្វើច្បាប់ធ្វើផ្ទះថ្មីទំហំពី៥ម៉ែត្រគុណ១២ម៉ែត្រតម្លៃប្រហែល400$ ដោយអោយម្ចាស់រត់ការចុះហត្ថលេខាភូមិឃុំស្រុកខ្លួនឯង ហើយចំពោះប្លង់ស្ថានីយ៍ប្រេងមានតែលោកចាន់ហានដែលជាឪពុកក្មេកប្រធានមន្ទីរទើបអាចគូត្រូវដោយអោយអនុប្រធានមន្ទីរសូរិយោដីទទលខាងសំណង់ជាអ្នកចុះហត្ថលេខាយកថ្លៃឈ្នួលពីលោកហាន បើមិនចឹងទេគ្មាននរណាគេគូប្លង់ត្រូវទោះជារៀនចប់ពីសាលាណាមកក៏ដោយ
បើមិនបានតាមតម្លៃសេវាដូចរៀបរាប់ខាងលើនេះទេ ឯកសារកាត់ផ្ទេរឈ្មោះដីដូរម្ចាស់ថ្មី សុំធ្វើប័ណ្ណថ្មី នោះទម្រាំតែបានលឿនបំផុតក៏បួនទៅប្រាំខែដែរសម្រាប់ការកាត់ផ្ទេរឈ្មោះ បើប័ណ្ណធ្វើថ្មីវិញពី៦ទៅ៩ខែដែរទើបទទួលបានប័ណ្ណដី។
ចំពោះច្បាប់សាងសង់វិញ ផ្ទះធ្វើរួចចូលនៅចង់ជួសជុលវិញទើបទទួលបានច្បាប់អនុញ្ញាតសាងសង់ ។ ដូចបានជម្រាបជូនខាង សូមបងប្អូនជ្រាបជាដំណឹងទុកជាមុន ៕
