ការដាក់ ចេញនូវគោលនយោបាយភូមិ-ឃុំមានសុវត្ថិភាពបានធ្វើឲ្យមន្ត្រីអាជ្ញាធរ និងសមត្ថកិច្ចតាមបណ្តាខេត្ត-ក្រុង ស្រុក-ខណ្ឌ មួយចំនួនយកចិត្តទុក ដាក់អនុវត្តន៍ឲ្យបានដិត ដល់ដើម្បី រក្សាសន្តិសុខសណ្តាប់ធ្នាប់សង្គម ធ្វើឲ្យប្រជាពល រដ្ឋអាចរស់នៅ និងប្រកបរបរចិញ្ចឹមជីវិតដោយភាពសុខសាន្ត ។ ប៉ុន្តែអាជ្ញាធរ និងសមត្ថកិច្ចតាមមូលដ្ឋានមួយចំនួនមិនយកចិត្តទុកដាក់អនុ វត្តន៍គោលនយោបាយភូមិ-ឃុំមានសុវត្ថិភាព ដោយគ្មានការយកចិត្តទុកដាក់ទេ ហើយបែរជាបណ្តោយ ឲ្យបទល្មើសកើតឡើង យ៉ាងពេញ បន្ទុកដូចជា ករណីចោរកម្ម ល្បែងស៊ីសង គ្រឿងញៀន និងបទល្មើសផ្សេងៗជាច្រើនទៀតដែលនាំឲ្យប៉ះ ពាល់សន្តិសុខ និងសណ្តាប់ធ្នាប់សង្គម បណ្តាលឲ្យប្រជាពលរដ្ឋ មានការភ័យខ្លាចយ៉ាងខ្លាំង ហើយគោលនយោបាយភូមិ-ឃុំ មានសុវត្ថិភាព ទាំង៩ចំណុច មានសារៈសំខាន់ខ្លាំងណាស់ ក្នុងការរក្សា សន្តិសុខ សង្គម តាមរយៈការលុបបំបាត់ បទល្មើសផ្សេងៗ ដូចជាល្បែងស៊ីសង គ្រឿងញៀន និងអំពើ ពាលា អាវាសែជាដើម ។
ជាក់សែ្តងមានសេចក្តី រាយការណ៍មកថាការអប់រំពលរដ្ឋពីគោលនយោបាយភូមិឃុំមានសុវត្ថិភាព ម្តេចកើតបើថ្នាក់ដឹកនាំខេត្តព្រះសីហនុជាអ្នកកាងល្បែងជល់មាន់និ ងគ្រឿងញៀន ។ ល្បែងជល់មាន់គ្រឿងញៀន ដែលមានទីតាំងធំនៅចំណុចចំការមួយកន្លែងទល់មុខមន្ទីរឧស្សាហកម្ម ខេត្តព្រះសីហនុ ដែលម្ចាស់ជាជនសង្គមងងឹត ឈ្មោះ ពៅ ស្ថិតក្នុងសង្កាត់លេខ១ក្រុងព្រះសីហនុខេត្តព្រះសីហនុ ។
ប៉ុន្តែមួយរយៈចុងក្រោយនេះដោយសារមុខរបរបង្កើតល្បែងស៊ីសងជល់មាន់ គ្រឿង អាចរកចំណូល បានរហូតដល់រាប់លានដុល្លារក្នុងមួយខែ ទើបមេឈ្មួញទុច្ចរិតប្រើប្រា ស់ទឹកលុយដើម្បីទប់ ស្កាត់ មិនឲ្យរដ្ឋអំណាច ឬសមត្ថកិច្ចលូកដៃចុះបង្ក្រាបដូចពេលមុនឡើយ ។ គ្រាន់តែសម្រាប់ចៅហ្វាយខេត្ត គឺគេហ៊ានចំណាយ ដល់ទៅបួនខ្ទោះ ធំឯណោះនៅមាននគរបាលនិងកងរាជអាវុធហត្ថរួមទាំងតុលាការផង គឺអាចចំណាយអស់ត្រឹម ២០ ម៉ឺនដុល្លារ ទើបល្បែងស៊ីសងដុះស្លែមួយនេះនៅអាចបន្តលេងដោយសេរីបាន ។
ល្បែងស៊ីសងនៅខេត្តព្រះសីហនុដែ លបង្កើតកន្លែង ភ្នាល់ដូចការិយាល័យទៅហើយនោះគ្មាន អ្វីជាអាថ៌កំបាំងសម្រាប់បិទបាំងភ្នែកសមត្ថកិច្ចនគរ បាលក្រោមអំណាចលោកស្នងការស៊ាងកុសល ទៀតបាន នោះទេ ប្រសិនបើគ្មានការឃុបឃិតដើម្បីតែផលប្រយោជន៍ ។ ប្រសិនបើក្រោមអំណាច លោកចៅហ្វាយខេត្តឈិតសុខុមមិនបានសើមមាត់ក៏មិនអាចឲ្យដំណើ រការ ល្បែងស៊ីសង ប្រព្រឹត្តិទៅបានដោយរលូនដូច សព្វថ្ងៃនេះដែរ ។ ពិតណាស់ថា គោលនយោបាយភូមិ ឃុំមានសុវត្ថិភាព គឺតម្រូវឲ្យបំបាត់ល្បែង ស៊ីសងគ្រប់ប្រភេទ ព្រោះល្បែងស៊ីសងជាប្រភពនៃការបង្កឲ្យមានករណីចោរកម្ម លួច ឆក់ ប្លន់ ប្រដាប់អាវុធថែមទៀតផង ។ ចុះបើគោលនយោបាយភូមិឃុំមានសុវត្ថិ ភាពដែលកំណត់ដោយក្រសួង មហាផ្ទៃត្រូវបានអាជ្ញា ធរខេត្តក្រោមអំណាច លោកឈិតសុខុមមានតួនាទីពិសេសជាគណៈបញ្ជាការឯក ភាពខេត្តបិទ ភ្នែកធ្វើមិនឃើញបទល្មើសប្រឆាំងទៅនឹងគោលនយោបាយ របស់ប្រមុខ រាជរដ្ឋាភិបាល ដើម្បីតែផល ប្រយោជន៍ទៅហើយនោះ សួរថា ប្រសិទ្ធិភាពនៃគោលនយោបាយ៩ ចំណុច ដើម្បីធានាដល់ភូមិ .ឃុំ មានសុវត្ថិភាពមានន័យអ្វីទៅ ។
ក្រោមផ្លាកយីហោល្បែងស៊ីសងជល់មាន់និងគ្រឿង ញៀននៅខេត្តព្រះសីហនុ គេសង្កេតឃើញ អ្នករត់ការបង់ប្រាក់ឲ្យអ្នក កាសែតតូច-ធំ មិនឲ្យធ្វើការចេញផ្សាយបាន ដែលមានមេវង់ឈ្មោះពៅ ។ ជនល្មើសបានប្រមូ លផ្តុំគ្នាលេងដែលមានទីតាំងស្ថិតនៅទល់មុខមន្ទីរឧស្សាហកម្មខេត្ត ព្រះសីហនុ។។ បើលោក ឈិត សុខុន អភិបាលខេត្តព្រះសីហនុ ពិត ជាអសមត្ថភាពក្នុងការវែកមុខមេល្បែងស៊ីសង ឈ្មោះ ពៅដុះស្លែបាននោះទេ ដើម្បីរក្សាសុវត្ថិភាពជូនពលរដ្ឋគួរតែលាលែង ចេញតំណែង ទើបជាការល្អប្រពៃ សំរាប់សេចក្តីសុខដល់អ្នកស្រុកខេត្តព្រះសីហនុទាំងមូល ៕
