ប៉ៃលិន ៖ព្រឹកថ្ងៃទី១១ ខែកញ្ញា ឆ្នាំ២០១៥ ថ្នាក់ដឹកនាំខេត្តប៉ៃលិនដឹកនាំដោយលោកជំទាវ ជា លាប អភិបាលរងខេត្ត លោក ឌិន គឹម ប្រធានមន្ទីសាធាណការនឹងដឹកជញ្ជូនខេត្ត លោក ស្រី សោ មន្នីរ័ត្ន ប្រធានមន្ទីរអភិវិឌ្ឍន៏ជនបទខេត្ត ព្រះតេជគណ សាន់ លី ព្រះមេគណធម្មយុត្កនិកាយខេត្ត បានយកអំណាយចែកជូនបងប្អូនប្រជាពលរដ្ឋចំនួន១១គ្រួសានៅភូមិពេជ្រគីរី សង្កាត់ប៉ៃលិន និង១៣គ្រួសារទៀតនៅភូមិអណ្តូងថ្ម ឃុំស្ទឹងកាច់ ស្រុកសាសាក្រៅ ខេត្តប៉ៃលិន ។
ព្រះតេជគណ សាន់ លី បានមានសង្ឃដិកាថា សំភារៈទាំងអស់នេះបានមកពីការចូលរួម ពីសប្បរជនជិតឆ្ងាយដែលចួលរួមមូលក្នុងនិធិដើម្បីនាំយកចែកជូនបងប្អូនប្រជាពលរដ្ឋ ខ្វះខាតស្បៀង និងអង្ករបានមកពីការចូលរួមរបស់មន្ទីរសង្គមកិច្ចខេត្តប៉ៃលិន។
លោក ជំទាវ ជា លាប អភិបាលរងខេត្តប៉ៃលិន បានមានប្រសាសន៍ពាំនាំបណ្តាំផ្ញើរសាកសួរសុខទុក្ខពីសំណាក់ថ្នាក់ដឹកនាំខេត្ត ជូនចំពោះបងប្អូនប្រជាពលរដ្ឋ ដែលជានិច្ចកាលថ្នាក់ដឹកនាំខេត្ត តែងតែគិតគូរពីទុក្ខ របស់បងប្អូនប្រជាពលរដ្ឋទូទាំងខេត្តប៉ៃលិន ហើយតែងបាននាំយកអំណោយ ថវិកា សំភារៈគ្រឿងឧបភោគ បរិភោគទៅឧបត្ថម្ភ ដល់បងប្អូនប្រជាពលរដ្ឋដែលជួបឧបត្តិហេតុផ្សេងៗដូចជាៈ គ្រោះភ្លើងឆេះផ្ទះ គ្រោះធម្មជាតិ រាំងស្ងួត ទឹកជំនន់ ស្ត្រីសំរាលកូនមានជីវភាពក្រីក្រ ជនចាស់ជរាគ្មានទីពឹង ជាដើម។
ជាក់ស្តែងពេលនេះ ក្រុមការងារថ្នាក់ខេត្តបានចុះមកសួរសុខទុក្ខនិងនាំយកអំណោយចែកជូនគ្រួសារខ្វះខាតស្បៀងដើម្បីចូលរួមជួយរំលែកទុកលំបាកដល់ក្រុមគ្រួសាររបស់បងប្អូន បើទោះជាអំណោយទាំងនេះតិចតួច ក៏ពិតមែន តែវាអាចយកដោះស្រាយក្នុងជីវភាពរស់នៅបានមួយកំរិតដែរ។
លោកជំទាវក៏បានផ្តាំផ្ញើដល់បងប្អូនប្រជាពលរដ្ឋ ត្រូវខិតខំបន្តបង្កើនមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ហើយត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ។
អំណោយដែលថ្នាក់ដឹកនាំខេត្តនាំយកចែកជូនដល់បងប្អូនប្រជាពលរដ្ឋ១១គ្រួសារនៅភូមិពេជ្រគីរី សង្កាត់ប៉ៃលិន ដោយក្នុងមួយគ្រួសារទទួល អង្ករ៥០គីឡូក្រាម មីមួយកេះ ទឹកត្រី ទឹកសាអ៊ីវ ទឹកសុទ្ធ ស្ករស តែ និងថវិកា ១០ម៉ឺនរៀល។ ចំនែកប្រជាពលរដ្ឋ១៣គ្រួសារទៀតនៅភូមិភូមិអណ្តូងថ្ម ឃុំស្ទឹងកាច់ ស្រុកសាសាក្រៅ ក្នុងមួយគ្រួសាទទួលបាន អង្ករ៥០គីឡូក្រាម មីមួយកេះ ទឹកត្រី ទឹកស៊ីអ៊ីវ ទឹកសុទ្ធ ស្ករស តែនិងថវិកា ៥ម៉ឺនរៀលផងដែរ ៕
