ខេត្តសៀមរាប ៖ ប្រភពពីប្រជាពលរដ្ឋ ដែលរស់នៅក្បែរតំបន់នោះ បង្ហើបឲ្យដឹងថា៖ តាំងពីមានបើកល្បែងស៊ីសង តាមប្រព័ន្ធអ៊ីនធើណេតនេះមក ពួកគាត់ឃើញ មនុស្សទាំងតូចទាំងធំ ចូលលេង ជាពិសេសនោះសិស្សសាលាតែម្ដង ដែលពួកគាត់បានគេចពីសាលា ឈានចូលទៅលេងជារៀងរាល់ថ្ងៃ មានទាំងកូនរបស់គាត់ទៀតផងដែរ ។
ប្រភពដដែលបន្តទៀតថា៖ ល្បែងហ្គេមអ៊ីនធើណេតទាំងនេះ បានបើកដំណើរការជាយូរឆ្នាំ ណាស់មកហើយ តែមិនដែលឃើញ សមត្ថកិច្ច ឬ ក៏ អាជ្ញាធរ ចុះបង្ក្រាប ឬ ទប់ស្កាត់នោះទេ គេបានដាក់ការសង្ស័យថា៖ការបើកល្បែង ហ្គេមអ៊ីនធើណេត បានរលូននេះ គឺមកពីសមត្ថកិច្ចអាជ្ញាធរ បើកភ្លើងខៀវ មិនបង្ក្រាប ជាថ្នូរនិងថវិការ ដាក់ហោប៉ៅក្រោយ ឬ ក្រោមតុ ជាប្រព័ន្ធហើយមើលទៅ បានជាសង្ងំស្ងាត់ឈឹង មើលមិនឃើញសោះ នោះឡើយ ។
បើតាមប្រភពពីប្រជាពលរដ្ឋបានរិះទៅលើលោកអភិបាលខេត្ត លោកស្នងការ នឹងលោកមេបញ្ជាការអាវុធហត្ថថា ៖ ប្រភពពីប្រជាពលរដ្ឋ ដែលរស់នៅក្បែរតំបន់នោះ បង្ហើបឲ្យដឹងថា៖ តាំងពីមានបើកល្បែងស៊ីសង តាមប្រព័ន្ធអ៊ីនធើណេតនេះមក ពួកគាត់ឃើញ មនុស្សទាំងតូចទាំងធំ ចូលលេង ជាពិសេសនោះសិស្សសាលាតែម្ដង ដែលពួកគាត់បានគេចពីសាលា ឈានចូលទៅលេងជារៀងរាល់ថ្ងៃ មានទាំងកូនរបស់គាត់ទៀតផងដែរ ។
តាមការឲ្យដឹងថា ល្បែងភ្នាល់តាម អនឡាញ ហ្គេម អ៊ីនធើណេត រីកដូចផ្សិត នឹង ល្បែងឆ្នោត យ៉ាងអនាធិបតេយ្យ រីកស្គុះស្គាយ ក្នុងក្រុង នៅចំណុចផ្សារដើមក្រឡាញ់ , សែនសប្បាយ២ ផ្លូវលោកតាណឺយ ផ្លូវបាក់ខែង ក្រុង និង ខេត្តសៀមរាប បានបើកលែងជាសារធារណៈជាច្រើន ឆ្នាំមកហើយ ដោយមិនខ្លាចច្បាប់ ឬក៏ មានការបើកភ្លើងខៀវ ពីអាជ្ញាធរមានសមត្ថកិច្ច.!។
ជុំវិញមជ្ឈដ្ឋានបាននិយាយអួតសរសើរពី ឯកឧត្តម ហ៊ូ វ៉ាន់នី នៅកាន់ស្នងការ នគបាលខេត្តសៀមរាប ប្រហែលបានជាង២ខែ ឯកឧត្តមបានធ្វើការ បង្ក្រាបល្បែងស៊ីសង គ្រប់ប្រភេទ តែសំណាងអាក្រក់ បង្ក្រាប ប៉ះចំខ្សែ អ្នកធំ ត្រូវបានដកតំណែងចេញ ផ្លាស់ប្តូរ ពីស្នងការនគបានខេត្តតែម្តង ដោយដោះដូរមកលោក ទិត្យ ណារ៉ុង អធិការក្រុង មកជំនួស តំណែងស្នងការនាពេលបច្ចុប្បន្ននេះវិញ ។
បើតាមសំដីមេការល្បែងហ្គេមអ៊ីធើណេត បានប្រាប់ថា៖ គាត់ជាអ្នកស៊ីឈ្នួលគេទេ តែមេរបស់ខ្ញុំគាត់បានដោះស្រាយ ជាមួយថ្នាក់លើ រួចរាល់អស់ហើយ ទើបគ្មានសមត្ថកិច្ចណា មករវីរវល់ ហើយគាត់បានប្រាប់ទៀតថា៖ កុំប្រាប់អ្នកសារព័ត៌មានអោយសោះ ថា៖ លោកបើកអោយលេងនោះ។
បើទោះជាយ៉ាងណាក៏ដោយ ប្រជាពលរដ្ឋរង់ចាំមើលនូវចំណាត់ការ របស់លោក ទិត្យ ណារ៉ុង ស្នងការនគរបាលខេត្តសៀមរាប នឹងលោក ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប តើល្បែងស៊ីសងហ្គេមអ៊ីនធើណេត រីកដូចផ្សិត នឹង ល្បែងឆ្នោតគ្រប់កន្លែងខាងលើនេះ ដែលបានបើកដំណើរការ យូរឆ្នាំមកហើយ ដែលល្មើសទៅនឹងភូមិឃុំមានសុវត្ថិភាព ទាំង០៩ចំណុច គឺចំណុចទី០៥ នេះតែម្តង តើលោក ហ៊ានបង្រា្កបដែរឬយ៉ាងណា សូមរង់ចាំមើលទាំងអស់គ្នា។
ជុំវិញករណីល្បែងស៊ីសងហ្គេម អ៊ីនធើណេត រីកដូចផ្សិត នឹង ល្បែងឆ្នោតគ្រប់កន្លែងខាងលើនេះ សារព័ត៌មានមិនអាចទំនាក់ទំនង ទៅលោក ទិត្យ ណារ៉ុង ស្នងការនគរបាលខេត្តសៀមរាប បានទេ ដោយគ្មានលេខទាក់ទងទៅលោក ដើម្បីសុំការបកស្រាយភ្លឺ ជុំវិញ រឿងល្បែងស៊ីសង ហ្គេមអ៊ីនធើណេត រីកដូចផ្សិតនេះ ទោះជាយ៉ាងណាក្តី សារព័ត៌មាន យើងខ្ញុំ និងស្រាវជ្រាវដើម្បីធ្វើការទំនាក់ទំនងទៅនៅពេលក្រោយៗទៀត៕
