ខេត្តប៉ៃលិននិងខេត្តបាត់ដំបង ៖ ឈ្មួញរកស៊ីឈើគ្រញូងនៅបានបន្តធ្វើសកម្មភាពយ៉ាងគឃ្លើន ក្នុងតំបន់ឃុំតាតោក ស្រុកសំឡូត ខេត្តបាត់ដំបង ច្រកព្រំនិងចំការខ្នោ ស្រុកសាលាក្រៅ ខេត្តប៉ៃលិន នេះតាមការអោយដឹងពីអ្នករកស៊ីឈើដូចគ្នា កាលចុង ខែវិច្ឆិកា ឆ្នាំ ២០១៤ មប្រភពបានអោយដឹងថា ឈ្មួញរកស៊ីឈើគ្រញូងឈ្មោះ វិរៈ ឈ្មោះ ជាតិ ដឹកឈើជញ្ជូនដោយរថយន្តកូរ៉េចំណុះ ៥ តោន តាមច្រករបៀងឃុំតាតោកស្រុកសំឡូត ខេត្តបាត់ដំបង ។ ឈ្មោះភ័ក្ត្រ(អតីតកូនប្រសារលោកអ៊ីឈាន) និងឧកញ៉ាឈ្មោះ សៅ សុខ ប្រចាំខេត្តប៉ៃលិនបានដឹកឈើជញ្ជូនតាមច្រករបៀងឃុំតាតោកស្រុក សំឡូតខេត្តបាត់ដំបង យកមកទុកនៅចំណុចតំបន់ភ្នំដំបងសង្កាត់អូរតាវ៉ៅក្រុងប៉ៃលិន មិនតែប៉ុណ្ណោះ ឈ្មោះ ភ័ក្ត្រ និងឧកញ៉ា ឈ្មោះ សៅ សុខ បានចេញមុខដឹកឈើតាមច្រកព្រំ និងចំការខ្នោ ស្រុកសាលាក្រៅ ខេត្តប៉ៃលិន ផងដែរ ។ ពួគគេបានជួលកម្មករឡើងលីឈើគ្រញូង ពីប្រទេសថៃ ម្តង២០ទៅ៣០នាក់ ហើយកាលពីខែតុលា ឆ្នាំ២០១៤ ពួកថៅកែឈើគ្រញូងក៏បានបោកប្រាស់កម្មករ មិនអោយថ្លៃឈ្នួលលីសែងផងដែរ រួចពួកកម្មករបានប្តឹងសមត្ថកិច្ចខេត្តប៉ៃលិន អោយជួយចាត់ការតែរឿងនេះ ចាត់ទុកគ្មានបានការអ្វីទាំងអស់ ។
ថៅកែឈើគ្រញូងដែលនាំកម្មករឡើងរកឈើគ្រញូងក្នុងទឹកដីថៃ ត្រូវបង់ជូនសមត្ថកិច្ចក្នុងម្នាក់ចំនួន ២០០ ដុល្លា បើមានកម្មករ២០នាក់ ត្រូវបង់៤ពាន់ដុល្លា ហើយពេលដឹកឈើចេញមកត្រូវបង់ប្រាក់ផ្សេងទៀត។
ចំណែកលោក ទី សុខា មេបញ្ជាការទំនាក់ទំនងព្រំដែន មិនបង្កាបករណីនេះទេ បែរជាឃុបឃិតគ្នាទៅវិញ ។
ក្រុមរកស៊ីឈើគ្រញូងខុសច្បាប់ទាំងនេះ មានសំណាងល្អរហូតដូចឈ្មោះ ភ័ក្ត្រ អតីតកូនប្រសារលោក អ៊ី ឈាន និងឈ្មោះ សៅ សុខ នៅដឹកឈើគ្រញូងយ៉ាងគគ្រឹកគគ្រេង មិនទាន់មានសមត្ថកិច្ចណាបង្ក្រាបបានឡើយ ដោយពួកគេមានខ្នងបង្អែកអ្នកធំ ៕
