​អភិបាលខេត្ត​ព្រះសីហនុ អញ្ជើញ​ដឹកនាំ​កិច្ចប្រជុំ ដើម្បី​ពិនិត្យ​ដោះស្រាយ​បញ្ហា​ប្រឈម និង​សំណើ​សំណូមពរ​របស់​រដ្ឋបាល​ឃុំ សង្កាត់ ក្រុង ស្រុក និង​ខេត្ត​

(​ព្រះ​សី​ហន​) ៖ នា​ព្រឹក​ថ្ងៃទី​២៥ ខែតុលា ឆ្នាំ​២០២៤ ឯកឧត្តម ម៉ា​ង ស៊ី​ណេ​ត អភិបាល នៃ​គណ​: អភិបាលខេត្ត​ព្រះសីហនុ និង​ឯកឧត្តម វង្ស ផា​ណាត ប្រធាន​ក្រុមប្រឹក្សា​ខេត្ក អញ្ជើញ​ដឹកនាំ​កិច្ចប្រជុំ ដើម្បី​ពិនិត្យ​ដោះស្រាយ​បញ្ហា​ប្រឈម និង​សំណើ​សំណូមពរ​របស់​រដ្ឋបាល​ឃុំ សង្កាត់ ក្រុង ស្រុក និង​ខេត្ត ក្នុង​ការអនុវត្ត​កំណែទម្រង់​វិមជ្ឈការ និង​វិសហមជ្ឈការ ដោយ​មាន​ការចូលរួម​ពី​ឯកឧត្តម លោកជំទាវ សមាជិក​ក្រុមប្រឹក្សា​ខេត្ត លោក​អភិបាលរង​ខេត្ត នាយក នាយករង​រដ្ឋបាល​សាលាខេត្ត និង​ប្រធាន​មន្ទីរ អង្គភាព​ពាក់ព័ន្ធ​។​