ព្រះវិហារ ៖ កាលពីថ្ងៃសៅរ៍ទី ១២ ខែ ១០ ឆ្នាំ ២០២៤ បុរសម្នាក់ឈ្មោះ កោះ សៀម រស់នៅភូមិ ត្រពាំងរាំង ឃុំ រណះសិរ្ស ស្រុកសង្គមថ្មីខេត្តព្រះវិហារ ត្រូវបានកងកម្លាំងមន្ត្រីអភិរក្សព្រៃឈើរបស់លោក បេន ចំនួន ០៦ នាក់ ដឹកនាំដោយលោក បេន ក្នុងនោះមានមន្ត្រីសហគមន៍ ០២នាក់ មន្ត្រីប៉េអឹម០២នាក់ និងក្រុមការងារលោក បេន០២នាក់ បានចុះមកចាប់ខ្លួនលោក ក្នុងភូមិខាងលើ នៅវេលាម៉ោងប្រហែល ម៉ោង១០ ព្រឹក ដោយពុំដឹងមូលហេតុ ។
ពលរដ្ឋដែលបានដឹងហេតុការណ៍អោយដឹងថា ការចាប់ខ្លួនលោក កោះ សៀម ដែលរស់នៅក្នុងភូមិឃុំកើតហេតុខាងលើនេះ ហាក់ដូចជាមានសកម្មភាពព្រៃផ្សៃយ៉ាងខ្លាំង ហាក់ដូចជាមិនមានការញញឺតនឹងច្បាប់ណាឡើយ។
ពាក់ព័ន្ធនឹងបញ្ហានេះ ក្រុមការងារយើងបានព្យាយាមទាក់ទងដើម្បីស្ដាប់នូវការបកស្រាយបំភ្លឺពីលោក បេន ដាវិស ដែលជាប្រធានក្រុមមន្ត្រីអភិរក្សភ្នំពកភ្នំត្នោត ។ លោកបានបញ្ជាក់ប្រាប់មកក្រុម អ្នកសារព័ត៌មានយើងឲ្យបានជ្រាបថា លោក កោះ សៀម បានធ្វើសកម្មភាពដាក់ដៃយកត្រីនៅក្នុងដងស្ទឹង ដែលជាតំបន់ការពារបស់រូបលោក ។
តាមការបញ្ជាក់របស់លោក ម៉ូត ឌី ដែលជាមេភូមិ លោកបានបញ្ជាក់ប្រាប់អ្នកសារព័ត៌មានចំនួន ០៤ អង្គភាព ដែលបានទៅចូលធ្វើបទសម្ភាស អោយបានដឹងថា លោក កោះ សៀម ពិតជាបានដាក់ដៃនៅក្នុងស្ទឹង ដើម្បីយកត្រីពិតប្រាកដមែន ។ ក៏ប៉ុន្តែក្នុងលក្ខណៈតិចតួចចិញ្ចឹមឆ្នាំងតែប៉ុណ្ណោះ មិនបានដាក់ចូលទៅក្នុងដី ដែលជាដែនការពាររបស់លោក បេន ដូចការចោទប្រកាន់របស់លោក បេន នោះទេ ព្រោះវាស្ថិតនៅក្នុងជើងភូមិត្រពាំងរាំងតែម្ដង នៅឆ្ងាយពី 500 ម៉ែត្រពីភូមិតែប៉ុណ្ណោះ ។
លោកបានបញ្ជាក់បន្តទៀតថា តើលោក បេន និងមន្ត្រីអភិរក្សរបស់ខ្លួន ដែលចូលមកចាប់នឹងប្រើអំពើហឹង្សាមកប្រជាពលរដ្ឋនៅក្នុងផ្ទះ ហើយបានប្រើអំពើហិង្សាមកលើឈ្មោះ កោះ សៀម អោយរបួសស្នាមយ៉ាងធ្ងន់ធ្ងរ រហូតដាក់ឆ្អឹងថ្កៀម ក្ដោងច្រមុះ ប៉ះពាល់ដល់សួត និងរបួសមុតដៃ ខាងស្ដាំ ហើយកំពុងសម្រាកព្យាបាលសង្គ្រោះបន្ទាន់នៅមន្ទីរពេទ្យខេត្តព្រះវិហារ ដោយមានមិនមានដិការ ចាប់ខ្លួន នឹងប្រាប់អាជ្ញាធរនៅក្នុងមូលដ្ឋានឲ្យដឹងពីរឿងហេតុ តើត្រឹមត្រូវទៅក្នុងផ្លូវច្បាប់ដែរឬទេ? ។
លោកក៏បានសំណូមពរមកដល់ក្រុមការងារអ្នកសារព័ត៌មានយើងខ្ញុំដើម្បីឲ្យជួយផ្សាយឲ្យថ្នាក់ដឹកនាំបានដឹងពីសកម្មភាពដល់ឃោរឃៅនេះដើម្បីរកយុត្តិធម៌ជូនលោក កោះ សៀម ផង ពីព្រោះរឿងរ៉ាវហេតុការណ៍ជាច្រើនមិនមែនតែឈ្មោះ កោះ សៀម ទេ គឺមានប្រជាពលរដ្ឋជាច្រើនភូមិនៅក្នុងស្រុកសង្គមថ្មីកំពុងមានការព្រួយបារម្ភខ្លាំងណាស់ក្នុងការស់នៅនឹងប្រកបជីវភាពចាំថ្ងៃ ។ អញ្ចឹង រូបលោកសំណូមពរឲ្យថ្នាក់ដឹកនាំ ជាពិសេស ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ មេត្តាគិតគូររកយុត្តិធម៌ជូនជនរងគ្រោះផង។
ពាក់ព័ន្ធនឹងសកម្មភាពហិង្សាមកលើពលរដ្ឋ ពីសំណាក់ក្រុមលោក បេន ត្រូវបានមជ្ឈដ្ឋានពលរដ្ឋលើកឡើងថា មានភាពព្រៃផ្សៃខ្លាំងណាស់ និងសូមថ្នាក់ដឹកនាំ ជួយរកយុត្តិធម៌ជូនជនរងគ្រោះផង ។
ពាក់ព័ន្ធនឹងការចោទប្រកាន់នេះអំពីករណីហិង្សានេះ អង្គភាពសារព័ត៌មានយើងខ្ញុំមិនទាន់បានសាកសួរទៅកាន់លោក បេន បាននៅឡើយ ៕
ដោយ លោក លឹម សាវុធ
