ខេត្តរតនគិរី ៖សកម្មភាពក្នុងការដឹកជញ្ជូនឈើប្រណិតរបស់ឈ្មួញម្នាក់ឈ្មោះ ចែកប កំពុងមានសន្ទះកើនឡើងកាន់តែខ្ពស់ជារៀងរាល់ថ្ងៃ ដោយឈ្មួញម្នាក់នេះបានធ្វើសកម្មភាពប្រម៉ែប្រមូលទិញឈើប្រណិតពី ឈ្មួញផ្សេងៗទៀត នៅស្រុកបរកែវ ហើយនាំចេញទៅលក់នៅប្រទេសវៀតណាម តាមច្រកទ្វារអូរយ៉ាដាវកម្ពុជា វៀតណាម ដែលប្រើប្រាស់រថយន្តដឹកជញ្ជូនចំនួន២គ្រឿង រថយន្តម៉ាសាំយ៉ុងពណ៌លឿង និងរថយន្តម៉ាកកាម៉ារីហើមពណ៌ឈាមជ្រូក។
ជាក់ស្តែង កាលពីថ្ងៃទី២៦ ខែវិច្ឆិកា ឆ្នាំ២០១៤ វេលាម៉ោង៦ព្រឹក នៅត្រង់ចំណុចមុនប៉ារ៉ាស់ច្រកទ្វារអន្តរជាតិអូរយ៉ាដាវ ដោយរថយន្តទាំង២គ្រឿងខាងលើនេះកំពុងផ្ទុកឈើប្រណិតពេញដោយដឹក ជញ្ជូនចេញពីស្រុកបរកែវ ទៅចតនៅមាត់ច្រក ដើម្បីរង់ចាំពេលវេលានៃការបើកទ្វាររបស់សមត្ថកិច្ច និងអាងបើកចូលទៅលក់អោយវៀតណាម មិនត្រឹមតែប៉ុណ្ណោះឈ្មួញខាងលើនេះបានធ្វើសកម្មភាពដឹកជញ្ជូន ឈើជារៀងរាល់ថ្ងៃ ទៅលក់នៅប្រទេសវៀណាម ដោយសារពួកគេត្រូវរ៉ូវជាមួយសមត្ថកិច្ចប៉ូលិសសេដ្ឋកិច្ចខេត្ត-ក្រសួង និងសមត្ថកិច្ចច្រកទ្វាររួចជាស្រេចហើយនោះ ។
មេឈ្មួញមានឈ្មោះខាងលើនេះបានអួតអាងអ្នកកាសែតបើចង់ថតចុះអត់ ឃាត់ទេ ព្រោះគាត់បានបង់លុយអោយស្ថាប័នមេព្រៃរហូតដល់ស្ថាប័នខេត្ត បើសមត្ថកិច្ចប៉ូលិសវិញចាប់ពីថ្នាក់មេប៉ុស្តិ៍រហូតដល់ស្នងការ ខេត្ត បើមន្ត្រីច្រកទ្វារអន្តរជាតិអូរយ៉ាដាវវិញបង់គ្រប់ស្ថាប័ន មានតែស្ថាប័នលោកសង្ឃទេអត់បង់អោយ។ ច្រក១៩នៅខ្វះ២០០ម៉ែត្របត់ខាងស្តាំងខាងក្រោយកាស់ស៊ីណូមានឡាន ស៊េរីទំនើបដឹកចូលជារៀងរាល់យប់រាល់ថ្ងៃ១០ទៅ២០គ្រឿង ច្រក១៩ក៏មានប៉ុស្តិ៍គ្រប់ស្ថាប័នចាំយកលុយដែរ ៕
