ថ្នាក់ដឹកនាំខេត្តប៉ៃលិន នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ ចំនួន ៣វត្ត ក្នុងក្រុងប៉ៃលិន នាឱកាសបិណ្ឌវេនទី៥
ខេត្តប៉ៃលិន៖ ព្រឹកថ្ងៃទី២២ ខែកញ្ញា ឆ្នា២០២៤ ២០២៤ ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងក្រុមគ្រួសារ រួមជាមួយថ្នាក់ដឹកនាំ មន្ទីរអង្គភាពស្ថាប័នជុំវិញខេត្ត ព្រមទាំងក្រុមការងារ បានអញ្ជើញនាំយកទេយ្យទាន ចង្ហាន់បិណ្ឌបាត្រ និងបច្ច័យវេរប្រគេនដល់ព្រះសង្ឃ ក្នុងឱកាសបិណ្ឌវេនទី៥ នៃពិធីបុណ្យភ្ជុំបិណ្ឌ ចំនួន ៤វត្ត ទី១-វត្តសន្តិមារាម «វត្តអូរច្រា» ទី២-វត្តរតនគិរីសិលារាម «ហៅវត្តបរហ៊ុយ» ទី៣-វត្តធម្មាភិវឌ្ឍន៍ «ហៅវត្តអូររអិល» និងទី៤-វត្តបុព្វារាម «សាលាក្រៅចាស់» ។
អត្ថន័យ នៃពិធីបុណ្យភ្ជុំបិណ្ឌ! ជារៀងរាល់ឆ្នាំ ចាប់ពី ថ្ងៃ១រោច ដល់ថ្ងៃ១៥រោច ខែភទ្របទ ប្រជាពលរដ្ឋ ខ្មែរ តែងតែ ប្រារព្ធ នូវ ពិធី បុណ្យ កាន់បិណ្ឌ និង ភ្ជុំបិណ្ឌ នៅ តាម ទីវត្ត អារាម ដោយ ធ្វើជា ចង្ហាន់រាប់បាត្រប្រគេនព្រះសង្ឃ ហើយពិធី បុណ្យដែល ធ្វើ តាមទំនៀមពីដូនតាមកនេះ ត្រូវ បាន ដក់ជាប់ ក្នុង គំនិត ប្រជាពលរដ្ឋ ខ្មែរតជំនាន់ មក ថា វាជាពិធី ដើម្បី ឧទ្ទិស កុសល្យ ជូន ទៅ ដល់ដូនតា និងញាតិកាទាំង៧សណ្តាន ដែល បានចែកឋាន ទៅ។
ពិធីបុណ្យ ភ្ជុំបិណ្ឌ ត្រូវ បានចែក ចេញ ជាពីរគឺ៖
*ទី១៖ ជា រយៈ ពេល នៃ ការ កាន់បិណ្ឌ ចាប់ពីថ្ងៃទី១រោចខែភទ្របទ រហូត ដល់ ថ្ងៃ១៤រោច ដោយ ប្រជាពលរដ្ឋ ខ្មែរ តែ ងធ្វើ ចង្ហាន់ទៅ ប្រគេនព្រះសង្ឃ។
*ទី២៖ ថ្ងៃចុងក្រោយ គឺថ្ងៃ១៥រោច ដែល ជា ថ្ងៃភ្ជុំបិណ្ឌ ប្រជាពលរដ្ឋ តែង ធ្វើការ ជួប ជុំ គ្នា ដើម្បីឆ្លង នូវ សធាជ្រះថ្លា ដែលបានថ្វាយ ទាន ចំពោះ ភិក្ខុ សង្ឃ ក្នុង រយៈពេល ១៤ថ្ងៃ កន្លងមក។
ខ្មែរ យើង គឺជាជនជាតិមួយ ដែលមាន ការ ដឹងគុណចំពោះ បុគ្គល ដែលបាន ធ្វើឧបការៈដល់ខ្លួន ពោល គឺអ្នកកាន់ព្រះពុទ្ធសាសនា ប្រកាន់យកគោល ការណ៍ នៃការ ដឹងគុណ ហើយ ការ ដឹងគុណនេះ មិន មែន និយាយ ត្រឹម តែដូនតា ឬក៏ញាតិមិត្តរបស់ខ្លួនទេ គឺជា ការ ដឹងគុណតាំងពីធម្មជាតិ ដឹងគុណពីអ្នកដទៃបើ មិន ជាប់ជាញាតិរបស់ខ្លួន យ៉ាងណាក៏ដោយ ប៉ុន្តែសម្តែង នូវ ទឹកចិត្ត ដឹងគុណ ដែលហៅថា កតញ្ញូតាធម៌ ទើបមានការ ឈាន ទៅ ធ្វើពិធីទាំងអស់នេះបាន ព្រោះបើយើងអត់មានកតញ្ញូនៅ ក្នុង ចិត្ត ទេ គឺមិន អាច ទៅធ្វើពិធីបុណ្យ នេះបានទេ។
និយាយជារួមមក ពិធីបុណ្យ ភ្ជុំបិណ្ឌនេះ ដូនតាខ្មែរ បានប្រារព្ធធ្វើ ឡើងក្នុងគោលបំណង បង្រៀន ទៅ ដល់ កូនចៅ ឱ្យ ដឹងអំពី កំណើត ចេះ គោរព ដឹងគុណ និង មាន កតញ្ញូធម៌។ យើងជាជនជាតិខ្មែរ ត្រូវស្គាល់អំពី កំណើត និង ការ ដឹងគុណ។ «សូមចូលរួមចំណែកដើម្បីរក្សាវប្បធម៌ជាតិយើង ពិសេសបំផុតគឺបុណ្យភ្ជុំបិណ្ឌនេះ ដើម្បីក្លាយជាអ្នកបន្តវេនជំនាន់ក្រោយទៀត រក្សាតម្លៃដ៏ពិសិដ្ឋ នៃកតញ្ញូធម៌»៕
នៅក្នុងឱកាសនោះផងដែរ ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានមានប្រសាសន៍លើកឡើងថា៖ បច្ចុប្បន្នក៏ដូចជាទៅអនាគត រាជរដ្ឋាភិបាលកម្ពុជា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានបន្តអនុវត្តខ្ជាប់ខ្ជួនក្នុងការគោរពសេរីភាពខាងជំនឿ ការប្រណិប័តន៍ខាងផ្លូវសាសនា លើកស្ទួយព្រះពុទ្ធសាសនា ដែលជាសាសនារបស់រដ្ឋ និងគាំទ្រការប្រណិប័តន៍សាសនាផ្សេងៗទៀតនៅក្នុងព្រះរាជាណាចក្រកម្ពុជា ដោយខិតខំធ្វើឲ្យវត្តអារាម និងវិហារសាសនាឯទៀតៗ ក្លាយជាមជ្ឈមណ្ឌលនៃជីវភាពខាងស្មារតី ដែលចូលរួមយ៉ាងសកម្មក្នុងការអភិវឌ្ឍសង្គមជាតិ ខាងផ្នែកវប្បធម៌ អប់រំ សុខាភិបាល សង្គមកិច្ច និងសីលធម៌សង្គម ជាពិសេសទប់ស្កាត់ការធ្វើអាជីវកម្មលើសាសនា ប្រឆាំងការរើសអើងបែកចែករវាងប្រជាជន និងប្រជាជន ដែលបណ្តាលមកពីភាពខុសគ្នាខាងជំនឿ និងសាសនា ដើម្បីសំដៅប្រែក្លាយសក្តានុពលរបស់សាសនាទាំងអស់ ទៅជាកម្លាំងសាមគ្គីមួយដ៏ខ្លាំងក្លាក្នុងការការពារសុខសន្តិភាព ការឯកភាពជាតិ និងជំរុញការអភិវឌ្ឍសង្គម- សេដ្ឋកិច្ច ផងដែរ ។
ជាចុងក្រោយ ឯកឧត្តមទេសរដ្ឋមន្ត្រី អ៊ី ឈាន ក៍បានមានប្រសាសន៍ផ្តាំផ្ញើដល់បងប្អូនប្រជាពលរដ្ឋ សូមមានការប្រុងប្រយ័ត្នខ្ពស់ ព្រោះរដូវនេះ មានភ្លៀងធ្លាក់ច្រើន ហើយបើមានបញ្ហាអ្វីកើតឡើង ត្រូវរាយការណ៍មកកាន់អាជ្ញាធរមូលដ្ឋានឱ្យបានទាន់ពេលវេលា ជាពិសេសត្រូវយកចិត្តទុក្ខដាក់ថែទាំសុខភាព និងរស់នៅប្រកបដោយអនាម័យ ដើម្បីជៀសវាងកើតមានជម្ងឺតម្កាត់ផ្សេងៗ ។
សូមបញ្ជាក់ថា៖ ក្នុងឱកាសដ៏ប្រសើរថ្លៃថ្លានោះ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន និងថ្នាក់ដឹកនាំខេត្ត ព្រមទាំងមន្ត្រីរាជការរួមដំណើរ បានធ្វើពិធីរាប់បាត្រ និងវេរនូវទេយ្យទាន ទេយ្យវត្ថុ បច្ច័យ និងគ្រឿងបរិក្ខា ទាំងឡាយប្រគេនដល់ព្រះសង្ឃ នៅវត្តទាំង៤ រួមមាន៖ ទី១-វត្តសន្តិមារាម «វត្តអូរច្រា» ទី២-វត្តរតនគិរីសិលារាម «ហៅវត្តបរហ៊ុយ» ទី៣-វត្តធម្មាភិវឌ្ឍន៍ «ហៅវត្តអូររអិល» និងទី៤-វត្តបុព្វារាម «សាលាក្រៅចាស់» ដោយក្នុងមួយវត្តៗ រួមមាន៖ អង្ករ ៥ការ៉ុង ទឹកសុទ្ធ ១០កេស មី ១០កេស ត្រីខ ១កេស ទឹកដោះគោ ២៥កំប៉ុង តែ ៥គីឡូ ស្កស ៥គីឡូ ស្លាដក ៥ ចង្ហាន់ ១០ចានស្រាក់ និងបច្ច័យ ចំនួន ១០ម៉ឺនរៀល៕
ដ,ស សេន ត
