កែប ៖ នៅព្រឹកថ្ងៃចន្ទ១រោច ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៧ខែសីហា ឆ្នាំ២០១៨ នៅសាលាខេត្តកែប បានបើកកិច្ចប្រជុំសាមញ្ញលើកទី៥១ របស់ក្រុមប្រឹក្សាខេត្តកែប អាណតិ្តទី២ ដោយបានប្រព្រឹត្តទៅ ក្រោមអធិបតីភាព លោកសំ សារីន ប្រធានក្រុមប្រឹក្សាខេត្ត និងលោក កែន សត្ថា អភិបាល នៃគណៈអភិបាលខេត្តកែប រួមនឹងថ្នាក់ដឹកនាំនៃមន្ទីរ ស្ថាប័នជំនាញទូទាំងខេត្ត។
របៀបវារៈនៃកិច្ចប្រជុំ៖
១-ពិនិត្យ និងអនុម័តលើសេចក្តីព្រាងកំណត់ហេតុលើកិច្ចប្រជុំសាមញ្ញលើកទី៥០ របស់ក្រុមប្រឹក្សាខេត្តកែប អាណតិ្តទី២ កាលពីថ្ងៃទី២៣ខែកក្កដា ឆ្នាំ២០១៨។
២-សេចក្តីព្រាងរបាយការណ៍ ស្តីពីសកម្មភាពសំខាន់ៗ ដែលបានអនុវត្តន៍ដោយគណៈអភិបាលខេត្តក្នុងចន្លោះកិច្ចប្រជុំសាមញ្ញលើកទី៥០ ដល់កិច្ចប្រជុំសាមញ្ញលើកទី៥១ របស់រដ្ឋបាលខេត្តកែប។
៣-ពិនិត្យ និងអនុម័តលើសេចក្តីព្រាងរបាយការណ៍បូកសរុបលទ្ធផលការងារប្រចាំខែកក្កដា ឆ្នាំ២០១៨ និងលើកទិសដៅអនុវត្តន៍ខែបន្តបន្ទាប់របស់រដ្ឋបាលខេត្ត។
៤-ពិនិត្យ និងអនុម័តលើសេចក្តីព្រាង សេចក្តីសម្រេច ស្តីពីការកែសម្រួលប្រការ៤ នៃសេចក្តីសម្រេចលេខ០១០/១៧ ស.ស.រ ចុះថ្ងៃទី០៤ខែមេសា ឆ្នាំ២០១៧ ស្តីពីការបែងចែកតួនាទីភារកិច្ច និងរបៀបរបបការងារជូនគណៈអភិបាលខេត្តកែប។
កិច្ចប្រជុំនេះត្រូវបានប្រធានអង្គប្រជុំអនុម័តនៅក្នុងរបាយការណ៍ទាំងស្រុងនិងបានឯកភាពគ្នាដើម្បីបន្តដោះស្រាយបញ្ហាប្រឈមនានា ដោយតម្រូវឲ្យគ្រប់ស្ថាប័ន និងមន្ទីរគ្រប់ជំនាញគ្រប់អង្គភាព ត្រូវរួមគ្នាគិត រួមគ្នាធ្វើ និងសហការ សាមគ្គីគ្នាឲ្យបានស្អិតល្មួត និងយកចិត្តទុកដាក់ឲ្យបានខ្ពស់ ដើម្បីស្តារនិងអភិវឌ្ឍខេត្តកែបរបស់យើងឲ្យកាន់តែរីកចម្រើនលូតលាស់បន្ថែមទៀត៕
សេង ណារិទ្ធ
