(កំពត)៖ នៅព្រឹកថ្ងៃចន្ទ ២កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែសីហា ឆ្នាំ២០១៨នេះ នៅសាលប្រជុំសាលាខេត្តកំពត លោក ជាវ តាយ អភិបាល នៃគណៈអភិបាលខេត្តកំពត បានដឹកនាំកិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្ត។កិច្ចប្រជុំនេះ ក៏មានការចូលរួមពីសំណាក់លោក លោកស្រីជាអភិបាលរងខេត្ត ប្រធាន អនុប្រធានមន្ទីរអង្គភាពជំនាញក្នុងខេត្ត ដើម្បីពិនិត្យ និងពិភាក្សាលើរបាយការណ៍ និងបញ្ហាប្រឈមនានា ដើម្បីរកដំណោះស្រាយជាបន្ទាន់។
របៀបវារៈក្នុងកិច្ចប្រជុំព្រឹកនេះរួមមាន៖
១.ករណីប្រជាពលរដ្ឋ១៨៩គ្រួសារ ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ស្នើសុំចេញប័ណ្ណកម្មសិទ្ធិដីធ្លី
២.ករណីស្នើសុំប័ណ្ណកម្មសិទ្ធិដីសម្បទានសេដ្ឋកិច្ចរបស់ប្រជាពលរដ្ឋ៩០គ្រួសារ ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។
សូមជម្រាបថា៖ កិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្តនាព្រឹកនេះ មានការអញ្ជើញចូលរួមពីលោក អភិបាលរងខេត្ត ប្រធានមន្ទីរ អង្គភាពជុំវិញខេត្ត អភិបាលក្រុង ស្រុក កងកម្លាំងប្រដាប់អាវុធ ទីចាត់ការ អង្គភាពចំណុះរដ្ឋបាលខេត្តសរុបចំនួន២៩នាក់៕
សេង ណារិទ្ធ
