ខេត្តរតនៈគីរី ៖ ហេតុការណ៍ដ៏កក្រើកមួយនេះ បានកើតឡើង នៅថ្ងៃទី១៥ ខែកក្កដា ឆ្នាំ២០១៨ វេលាម៉ោង៣និង៣០នាទីរសៀល លើផ្លូវជាតិលេខ៧៨អា ត្រង់ចំណុចលើទួលអូរត្រាវ ស្ថិតនៅភូមិភ្នំ សង្កាត់យក្សឡោម ក្រុងបានលុង ខេត្តរតន:គីរី។
បើតាមការឲ្យដឹងពី លោក ទន់ វីរភាព មុខងារនាយរងផ្នែករដ្ធបាលព្រៃឈើ ស្រុកអូរជុំ ជាអ្នកចុះចាប់ផ្ទាល់ បានឲ្យអ្នកសារព័ត៌មានយើងដឹងថា នៅក្នុងសកម្មភាព ចុះបង្ក្រាបនេះគាត់មានគ្នាពីរនាក់ បានឃាត់រថយន្តសាំយ៉ុងដឹកឈើមួយគ្រឿង ដែលមានស្លាកលេខ កំពុងចាម ២A-៥៥៨៨ ពណ៌សរផ្ទុកឈើប្រភេទធ្នុង ពេញមួយឡានសាំយ៉ុង បំណងយកទៅលក់នៅប្រទេសវៀតណាម តាមច្រកទ្វារអន្តរជាតិ អូរយ៉ាដាវ។
លោកបានបន្តទៀតថា ពេលដែលលោកបានឃាត់រថយន្តដឹកឈើនោះ ម្ចាស់រថយន្តមិនព្រមឈប់ នឹងបើកបន្តព្យាយាមរត់គេចដោយឃើញសកម្មភាព មេឈ្មួញធ្វើបែបនេះលោក ទន់ វីរភាព នាយរងផ្នែករដ្ធបាលព្រៃឈើអូរជុំ បានយកដែកស្រួចចាក់បំបែកកង់ឡានដឹកឈើ ស្រាប់តែមានក្រុមឈ្មួញដែលមានគ្នាជាច្រើននាក់ មកចាប់តោងដៃមេព្រៃមិនឲ្យចាក់កង់ឡាន នឹងរុញទ្រូងមេព្រៃឲ្យផ្ងារក្រោយ និងមានបក្សពួកខាងឈ្មួញឈើពីរទៅបីនាក់ទៀត តោងបំពង់ទីប គំរាមវៃមេព្រៃទៀតផង។
ប្រភពបន្តថា ខណ:នោះ លោកមេព្រៃបានចាក់កង់ឡានបែក ដូចបំណង ពេលនោះក្រុមឈ្មួញ បានដូរកង់ឡាន រត់ទៅមុខបន្តទៀត រួចមេព្រៃបានបើកឡានម៉ាកលុចស៊ីស ៣៣០ កាក់ឡានដឹកឈើបន្ត ពេលនោះក្រុមឈ្មួញ យកឡានសេរីទំនើប ២គ្រឿងទៀត មកគៀររថយន្តមេព្រៃដូចនៅក្នុងរឿងហូលីវ៉ូតអញ្ចឹង ហេតុការណ៍នេះធ្វើឲ្យ ប្រជាពលរដ្ឋ ដែលធ្វើដំណើរតាមដងផ្លូវមានការភ្ញាក់ផ្អើលយ៉ាងខ្លាំង ហើយរថយន្តលោកមេព្រៃ រងការខូចខាតដោយឆ្កូតថ្នាំខាងឆ្វេងយ៉ាងដំណំ។
លោក ទន់ វីរភាព បានអះអាងថា អត់មានរបួសធ្ងន់ធ្ងរទេ គ្រាន់តែគ្រិចកដៃខាងស្តាំ ពេលដេញគៀរគ្នា តែរថយន្តដឹកឈើរត់គេចបានតែជាង២០គីឡូ ក៏ចាប់បានវេលាម៉ោង៧យប់ ក្នុងថ្ងៃដដែល ត្រង់ចំណុចភូមិបរកែវចាស់ ឃុំឡាមិញ ស្រុកបរកែវ ។
បច្ចុប្បន្ន វុត្ថុតាងឈើ និងរថយន្តយកមករក្សាទុក្ខនៅផ្នែករដ្ធបាលព្រៃឈើស្រុកបរកែវ។
លោក ទន់ វីរភាព បានបន្តទៀតថា មុននឹងឈានដល់ការបង្ក្រាបរថយន្តដឹកឈើនេះ បានមានការលំបាកខ្លាំង ដោយមានបទបញ្ជាពីលោក កែប កត់ នាយខណ្ឌរដ្ឋបាលព្រៃឈើខេត្ត បានបន្ថែមកម្លាំងមេព្រៃ ៧ទៅ៨នាក់ទៀត ទើបចាប់បាន ហើយលោកទន់ វីរភាព បានអះអាងថា មេឈ្មួញដែលជាម្ចាស់ឈើ និងរថយន្ត មានឈ្មោះ ទូច និងប្រពន្ធឈ្មោះ ណាត ដែលមានទីលំនៅភូមិថ្មី សង្កាត់ឡាបានសៀក ក្រុងបានលុង ខេត្តរតន:គីរី។
បើតាមរបាយការណ៍ បានប្រាប់ថា ក្នុងករណីដូចគ្នាដែល នៅថ្ងៃទី១៤ ខែកក្កដា ឆ្នាំ២០១៨ ក៏មានរថយន្តសាំយ៉ុង ដឹកឈើដែលមានស្លាកលេខ ភ្នំពេញ ២A-០៩០៩ បានបុកជាមួយឡានក្រុមអ្នកសារពត៌មាន បណ្ដាលឲ្យបែកកញ្ចក់រថយន្ត និងកាំម៉ារីគូទស្វិត ចំនួន៤គ្រឿង របស់នាក់កាសែត ខូចខាតយ៉ាងដំណំ បច្ចុប្បន្ន សមកិច្ចប៉ូលិសស្រុកកូនមុំ យកមករក្សាទុក២គ្រឿង ឡាននាក់កាសែតចំនួន២គ្រឿងទៀត បើករត់គេចបាត់់ សមត្ថកិច្ចស្រុកកូនមុំ បានឲ្យដឹងថា នៅរសៀលថ្ងៃ១៦ ខែកក្កដា ឆ្នាំ២០១៨ មានបងប្អូននាក់កាសែត ដែលជាម្ចាស់ឡាន មកសុំយករថយន្តគាត់វិញ តែសមកិច្ចមិនទាន់ប្រគល់ជូនទេ ហេតុអ្វី បានជាលោក ថង សាវុន ដែលជា អភិបាលខេត្ត រតន:គិរី មិនមើលបទល្មើសទាល់តែសោះបានបណ្ដែតបណ្ដោយមេឈ្មួញអស់នោះនៅតែបន្តកាប់បំផ្លាញព្រៃឈើដែលជាសម្បត្តិធនធានធម្មជាតិតែពេលនេះកំពង់ជិតហិនហោចហើយ ។
ប្រភពពីប្រជាពលរដ្ធ នឹងមន្ដ្រីមួយចំនួននៅក្នងរតន:គិរីមានតែ សម្ដេចតេជោនាយករដ្ធមន្ដ្រី ហ៊ុន សែន មេត្តាជួយចាត់វិធានការទៅលើមន្ដ្រីខូចខិលមួចំនួនតូចដែលបើកដៃឲ្យមេឈ្មួញដែលមានអំណាចទាំងនោះផ្ដើមនឹងអនុសាសន៍របស់ សម្ដេចតេជោនាយករដ្ឋមន្ដ្រី កម្ពុជា ៕
