ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់មន្ត្រីយោធាកងពលតូចលេខ៤ម្នាក់បាញ់១គ្រាប់គំរាម ទៅលើរថយន្តដឹកដីមិនឲ្យវ៉ាហើយបានដោះលែងវិញ បន្ទាប់ពីចរចារត្រូវរ៉ូវគ្នា កាលពីម៉ោង៨យប់ថ្ងៃទី០១ សីហា ២០១៥ នៅតាមបណ្តោយផ្លូវនៅចំណុចភ្នំព្រះស្ថិតស្រុកថ្មពួកខេត្តបន្ទាយមានជ័យ។
តាមព័ត៌មានបានដឹងពីសមត្តកិច្ចបានអោយដឹងថា៖មន្ត្រីយោធាម្នាក់កងពលតូចលេខ៤ចំណុះអោយកងពលធំលេខ២ខេត្តឧត្តមានជ័យបានដកកាំភ្លើងខ្លីបាញ់១គ្រាប់គំរាមទៅលើអ្នកបើកបរថយន្តដឹកដីរបស់ក្រុមហ៊ុនលោកឧត្តមសេនីយ៍ត្រី ភ្លន់ តារា មេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ ។ មូលហេតុដែលឈានដល់ការបាញ់មួយគ្រាប់គំរាមរថយន្តដឹកដីនោះ គឺមន្ត្រីយោធាកងពលតូចលេខ ៤ បានជិះរថយន្តធុនប៉ាសេរ៉ូពណ៌ត្រីអ៊ី បានបើកបរពីទិសដៅពីជើងមកត្បូង ក្នុងល្បឿនលឿន សំដៅមកខេត្តបន្ទាយមានជ័យ ពេលដល់ចំណុចភ្នំព្រះស្រុកថ្មពួក ដោយមិនអោយឡើងវ៉ា ហើយរថយន្តដឹកដីបានក៏បាញ់១គ្រាប់គំរាម ។ ក្រោយពេលបាញ់គំរាមប៉ះរថយន្តដឹកដីក្រុមហ៊ុនលោកឧត្តមសេនីយ៍ត្រី ភ្លន់ តារា បានរាយការណ៍ប្តឹងភ្លាមៗ ទៅបញ្ជាការកងរាជអាវុធហត្ថខេត្តបន្ទាយមានជ័យ អោយស្ទាក់ចាប់បាននៅក្រុងសិរីសោភ័ណ នៅវេលាម៉ោងប្រមាណ ៩ យប់ថ្ងៃទី០១ សីហា ២០១៥ ហើយបាននាំយកមកទីបញ្ជាការ ។
ប្រភពព័ត៌មានបានដឹងក្រោយពេលឃាត់មន្ត្រីយោធាកងពលតូចលេខ ៤ ចំណុះកងពលធំលេខ ២ ដែលបាញ់គំរាមអ្នកបើកបររថយន្តដឹកដី បានប្រមាណជិត ២ ម៉ោងបានចចារគ្នា ត្រូវរ៉ូវគ្នារួចបានដោះលែងវិញ។
ប្រជាពលរដ្ឋបានរិះគន់ចំពោះមន្ត្រីយោធាកងពលតូចលេខ ៤ ដែលបាញ់គំរាមប្រជាពលរដ្ឋជាអ្នកបើកបរ បាញ់កាំភ្លើងបែបអនាធិបតេយ្យ គួរអគ្គបញ្ជាការយោធពលខេមរភូមិន្ទត្រូវចាត់ការតាមច្បាប់តុលាការយោធា ដល់កងកម្លាំងប្រើអាវុធបាញ់គំរាមជនស្លូតត្រង់តាមផ្លូវសារធារណៈ ៕
