ខេត្តឧត្តរមានជ័យ ៖ កងកម្លាំងយោធា កងអនុសេនាធំកាំភ្លើងធំ.ក្នុង កងពលលេខ៤២ ប្រចាំប្រាសាទតាមាន់. កម្លាំងចំនួន ២៥ នាក់ បានចុះជួយច្រូតស្រូវប្រជាពលរដ្ឋ កាលរសៀលថ្ងៃទី២៤ ខែវិច្ឆិកា ឆ្នាំ ២០១៤ ក្នុងភូមិ ព្រៃវែង ឃុំគោកមន ស្រុកបន្ទាយអំពិល ខេត្តឧត្តរមានជ័យ។
លោក វរៈសេនីយ៍ត្រី ចាន់ ឌីសុផល មេបញ្ជារការកងកាំភ្លើងធំ បានដឹកនាំកងកម្លាំង យោធាចំនួន ២៥ នាក់. ដើម្បីចុះជួយច្រូតស្រូវប្រជាពលរដ្ឋដូចជា ម្ចាស់ស្រែស្រូវមានវ័យ ចាស់ជរា ជនពិការ និងចាស់ឥតទីពឹង លោក ចាន់ ឌីសុផល ជាយោធាការពារជាតិមាតុភូមិ តាមខ្សែបន្ទាត់ព្រុំដែន ប្រចាំប្រសាទតាមាន់ នៅក្នុងឱកាសរដូវច្រូតកាត់ នៅឆ្នាំនេះ លោកបាននាំកងកម្លាំងរបស់លោក ដើម្បីជួយស្រូវ លោកតា ពេជ្យ វាសនា មានអាយុ ៧៣ ឆ្នាំ ហើយក៍ជាជនពិការជើងផងដែរនិងមានប្រពន្ធឈ្មោះ. យ៉ាន ស៊ុំ អាយុ ៧០ឆ្នាំ. រស់នៅភូមិ. ព្រៃវែង. ឃុំគោកមន.ស្រុកបន្ទាយអំពិល ខេត្តឧត្តរមានជយ័ ។
លោក ចាន់ ឌីសុផល បានបញ្ជាក់ថា កាលប្រទេសមានសង្គ្រាម បានបងប្អូនសមរភូមិក្រោយជួយផ្គត់ផ្គង់ដល់ កងទ័ពសមរភូមិមុខ ពេលប្រទេសមានសន្តិភាព ខាងសមរភូមិមុខជួសមរភូមិក្រោយវិញ លោកតែងតែជួយច្រូតស្រូវដល់ប្រជាពលរដ្ឋ ជារៀងរាល់ឆ្នាំ ។
លោកតា ពេជ្យ វាសនា បានបញ្ជាក់ថា រូបលោកពីមុនជាយោធាដែរ ក្រោយមកត្រូវគ្រាប់កាំភ្លើងពិការតែម្តង លុះឆ្នាំ១៩៩០ ថ្នាក់លើបានបែងចែងដីស្រែធ្វើស្រែចំការ. ។ រូបខ្ញុំនិងក្រុមគ្រួសារមានសេចក្តីត្រេកអរ និងថ្លែងអំណរគុណដល់លោកមេបញ្ជារការដែលបានជួយដល់ប្រជាពលរដ្ឋ ទន់ខ្សោយ ដែលកុំពង់មានការខ្វះខាតនិងកំពង់ជួបការលំបាក ៕
ចាន់ សុភា ឧត្តរមានជ័យ
