កំពត ៖ អគារសិក្សា១ខ្នង កំពស់២ជាន់១០បន្ទប់ចំណាយថវិការសាងសង់អស់១៥ម៉ឺន៧ពាន់ដុល្លារអាមេរិកដែលជាអំណោយរបស់សម្តេចតេជោ ហ៊ុនសែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែនផ្តល់ជូនតាមរយៈ លោកបណ្ឌិតប៉ែន ស៊ីម៉ន និងលោកស្រី បានប្រារព្វពិធីសម្ភោធដាក់ឲ្យចៅៗថ្នាក់ទី១២នៃវិទ្យាល័យសម្តេចហ៊ុន សែន អង្គស្តុក ស្ថិតក្នុងឃុំសំឡាញ ស្រុកអង្គរជ័យ បានសិក្សារៀនសូត្រ ចាប់ពីថ្ងៃទី២៥ខែមិថុនាឆ្នាំ២០១៨ ក្រោមអធិបតីភាព លោកបណ្ឌិតប៉ែន ស៊ីម៉ន ទេសរដ្នមន្ត្រី ទីប្រឹក្សាផ្ទាល់សម្តេចតេជោហ៊ុនសែន នាយករដ្នមន្ត្រីនៃព្រះរាជាណាចក្រ កម្ពុជានិងជាអនុប្រធានទី១ក្រុមការងារថ្នាក់កណ្តាលចុះជួយខេត្តកំពត លោក អឹុងម៉េងហ៊ួរ ប្រធានក្រុមប្រឹក្សាខេត្ត លោក ជាវ តាយ អភិបាលខេត្ត មន្ត្រីអាជ្ញាធរស្រុកប្រជាពលរដ្នសរុបប្រមាណជា៣.៣២៩នាក់។
លោក កឹម បូណា អភិបាលស្រុកអង្គរជ័យបានអានរបាយការណ៏ស្វាគមន៏គូសបញ្ជាក់ពីស្ថានភាព ជីវភាពរស់នៅរបស់ប្រជាពលរដ្នព្រមទាំងបានលើកឡើងពីការកសាងសមិទ្ធិផលធំៗជាច្រើនក្នុងមូលដ្នានឲ្យមានការរីកចម្រើនលើគ្រប់វិស័យ ក្នុងនោះវិស័យអប់រំត្រូវបានលើកកម្ពស់ជាបន្តបន្ទាប់។ជាក់ស្តែងទូទាំងស្រុកអង្គរជ័យមានវិទ្យាល័យចំនួន០៥កន្លែង អនុវិទ្យាលយ័១០កន្លែង បឋមសិក្សា៤៣កន្លែងនិងមតេយ្យសិក្សា៣៧កន្លែង មានអគារសិក្សាសរុប១៥៨ខ្នងស្មើនិង៧៤៣បន្ទប់ក្នុងនោះអំណោយរបស់សម្តេចតេជោហ៊ុនសែន និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនផ្តល់ជូនតាមរយៈ ឯកឧត្តម បណ្ឌិតប៉ែន ស៊ី ម៉ននិងលោកជំទាវ ងីស៊ុន សូភាព មានចំនួន២២ខ្នងស្មើនិង១១៤បន្ទប់។
មានប្រសាសន៏ជាមួយលោកគ្រូអ្នកគ្រូមាតាបិតាសិស្សទាំងអស់ លោកបណ្ឌិត ប៉ែន ស៊ីម៉ន បានគូសបញ្ជាក់ថា៖រយៈពេលកន្លងមកនេះ សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិតប៊ុន រ៉ានី ផ្តល់ជូនតាមរយៈលោកផ្ទាល់បានកសាងអគារសិក្សាសរុបចំនួន១១៤ខ្នងហើយនៅក្នុងខេត្តកំពតយើងនេះ។ការកសាងអគារដ៏ច្រើនបែបនេះគឺចង់ឃើញ ចង់បានធនធានមនុស្សប្រកបដោយចំណេះជំនាញច្បាស់លាស់សម្រាប់កសាងមូលដ្នានភូមិ ឃុំ យើង ស្រុកយើង ខេត្តយើងនិងប្រទេសជាតិទាំងមូលឲ្យកាន់តែមានភាពរីចម្រើន។ លោកបណ្ឌិតប៉ែន ស៊ី ម៉ន បានលើកឡើងពីសក្តានុពលភាពរបស់ខេត្តកំពត ដែលជាខេត្តមានសេដ្នកិចរីកចម្រើនជាងគេលើវិស័យកសិកម្ម ឧស្សាហកម្ម និងទេសចរណ៏។
លោក ប៉ែន ស៊ីម៉ន បានលើកឡើងផងដែរពីសមិទ្ធិផលធំៗរបស់រាជរដ្ឋាភិបាលសម្រេចបានក្នុងរយៈពេលកន្លងមកឈរលើគោលការណ៍ស្តារនិងអភិវឌ្ឍលើគ្រប់វិស័យក្នុងនោះវិសយ័អប់សិក្សាធិការត្រូវបានលើកកម្ពស់។
លោកបណ្ឌិត ប៉ែន ស៊ីម៉ន បានក្រើនរំឭកដល់ប្រជាពលរដ្ឋគ្រប់រូបដែលមានឈ្មោះក្នុងបញ្ជីបោះឆ្នោតត្រូវទៅបោះឆ្នោតឲ្យបានគ្រប់ៗគ្នាដើម្បីសម្តែងឆន្ទៈគាំទ្រសម្តេចតេជោហ៊ុនសែនបន្តធ្វើជានាយករដ្នមន្ត្រីសម្រាប់នីតិកាលទី៦និងអាណត្តិក្រោយៗទៀត ។
លោក ប៉ែន ស៊ីម៉ន បានឧបត្ថម្ភថវិកាដល់អាជ្ញាធរស្រុក កងកម្លាំងទាំង៣ប្រភេទ ក្រុមយុវជន ក្រុមគ្រូពេទ្យ សិស្សវិទ្យាលយ័អង្គស្តុកចំនួន១១៦៥នាក់ម្នាក់ៗ ១ម៉ឺនរៀល ប្រកាសប្រគល់ការកសាងអគារសិក្សា១ខ្នង៥បន្ទប់ជូនសាលាបឋមសិក្សាអង្គខ្ជាយឃុំដានគោម ជូនថវិការចំនួន ១៤លានរៀលសម្រាប់ ការកសាងតារាងបាល់ទាត់នៅវិទ្យាល័យហ៊ុន សែនអង្គស្តុក ប្រគេនបច្ច័យ១០លានរៀលសម្រាប់កសាងសាលាភត្តវត្តអង្គស្តុក ប្រគេនបច្ច័យ១០លានរៀលសម្រាប់វត្តប្រភ្នំនិងបច្ច័យ៥លានរៀលផ្សេងទៀតសម្រាប់ជីកស្រះទឹកក្នុងវត្តសិរីសង្គមផងដែរ៕
សេង ណារិទ្ធ
