ភ្នំពេញ ៖ សមត្ថកិច្ចបានចុះបង្ក្រាបករណីបើកកន្លែងលេងល្បែងស៊ីសងឆ្នោតវៀតណាមនៃកិច្ចប្រតិបត្តិការណ៍បង្ក្រាបទីតាំងល្បែងស៊ីសងប្រភេទកន្ទុយលេខ(វៀតណាម)។
នៅថ្ងៃ២៩/០៥/២០១៨ វេលាម៉ោង១៥h.៤០នាទី ដោយមានការចូលរួមសម្របសម្រួលពីសំណាក់លោកព្រះរាជអាជ្ញារង វ៉ា សក្កដា អយ្យការអមសាលាដំបូងរាជធានីភ្នំពេញ អធិការដ្ឋានបានបើកការបង្ក្រាបទីតាំងលេងល្បែងស៊ីសងប្រភេទឆ្នោតកន្ទុយលេខ(វៀតណាម) មួយកន្លែង ស្ថិតនៅចំណុចផ្ទះគ្មានលេខ ផ្លូវបេតុង៩០២ ភូមិផ្សារតូច សង្កាត់ទួលសង្កែ១ ជាលទ្ធផលនែកិច្ចប្រតិបត្តិការនេះសមត្ថកិច្ចយើងបានធ្វើការឃាត់ខ្លួនជនសង្ស័យ០១នាក់ ឈ្មោះ ម៉ៅ និមល ភេទស្រី អាយុ៤០ឆ្នាំ ជនជាតិខ្មែរ ស្នាក់នៅទីតាំងខាងលើ(ជាអ្នកកត់)។
វត្ថុតាងដកហូតរួមមាន ៖
១/ក្រដាសសំរាប់កត់ឆ្នោតវៀតណាមមួយចំនួនធំ។
២/ប៊ុចចំនួន០៣ដើម។
៣/ម៉ាស៊ីនគិតលេខចំនួន០១។
៤/បន្ទាត់ចំនួន០១។
៥/ប្រាក់ចំនួនប្រាំបីមឺុនប្រាំពីរពាន់ពីររយរៀល(៨៧,២០០)។
+ចំពោះមុខ អធិការដ្ឋានកំពុងកសាងសំណុំរឿងបញ្ជូនតាមនីតិវិធីទៅសាលាដំបូងរាជធានី។
+ដូចបានគោរពរាយការណ៍ជូនខាងលើ សូមមេត្តាទទួលនូវការគោរព និងជូនជ្រាប៕
