សិស្ស ០២ នាក់ ត្រូវបានសង្គ្រោះ ក្នុងចំណោមសិស្ស ០៦ នាក់ ដែលបានចុះលេងទឹក ហើយជួបគ្រោះថ្នាក់ ។
យោងតាមសេចក្តីរាយការណ៍អោយដឹងថា សិស្សសាលាវិទ្យាល័យត្រែង ចំនួន ៦ នាក់ចុះលេងទឹក មិនប្រយ័ត្ន បានជួបគ្រោះថ្នាក់ ក្នុងនោះ សិស្ស ០២ នាក់ ត្រូវបានសង្គ្រោះ រកឃើញសព ០៣ នាក់ បាត់ខ្លួន ០១ នាក់ ។
ហេតុការណ៍នេះ បានកើតឡើងនៅវេលាម៉ោង ១០:៣០ នាទី នៅចំណុចឈើទាល់ភ្លួស ភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង ។
ជនរងគ្រោះរួមមាន ៖
១.ឈ្មោះ ភាព ចំរើន ភេទស្រី អាយុ១៣ឆ្នាំ ទីលំនៅភូមិស្វាយសរ ឃុំត្រែង ស្រុករតនមណ្ឌល មុខរបរសិស្ស (រស់)
២. ឈ្មោះ រ៉ា ចាន់រី ភេទស្រីអាយុ១៣ឆ្នាំ (រស់នៅភូមិ ឃុំជាមួយគ្នា)(រស់)
៣. ឈ្មោះ សេង អុីនជឺលី ភេទស្រីអាយុ១២ឆ្នាំ (ស្លាប់)
៤. ឈ្មោះ សេង ជូលីណា ភេទស្រី អាយុ១៤ឆ្នាំ(បាត់ខ្លួន)
៥. ឈ្មោះ អូ ហាន់ណានូរី ភេទស្រី ១៤ឆ្នាំ (ស្លាប់)
៦. ឈ្មោះ ភាព ចិន្ដា ភេទ ប្រុស អាយុ១៤ឆ្នាំ(ស្លាប់)
សូមបញ្ជាក់ថា សិស្ស ទាំង ៦ រូប រស់នៅភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង ៕
