(កំពត) ៖ នៅថ្ងៃពុធ ទី០៦ ខែធ្នូ ឆ្នាំ២០២៣ លោកវេជ្ជ ញា ប៊ុនថន ប្រធានមន្ទីរសុខាភិបាលខេត្តកំពត បានអញ្ជើញចូលរួមទិវាពិភពលោកប្រយុទ្ធប្រឆាំងនិងជំងឺអេដស៍ ១ធ្នូ និងទិវាអន្តរជាតិ អ្នកស្ម័គ្រចិត្ត ៥ធ្នូ ២០២៣ ក្រោមប្រធានបទ «សហគមន៍តែមួយ ដឹកនាំឆ្ពោះទៅបញ្ចប់ជំងឺអេដស៍»ក្រោមអធិបតីភាពលោកជំទាវ យូ សុគន្ធ អភិបាលរងខេត្តកំពត និងជាអនុប្រធានអចិន្ត្រៃយ៍គណ:កម្មការសាខា កាកបាទក្រហមកម្ពុជា ខេត្តកំពត តំណាងដ៏ខ្ពង់ខ្ពស់ឯកឧត្ដមបណ្ឌិត ម៉ៅ ធនិន អភិបាលនៃគណៈអភិបាលខេត្តកំពត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកំពត ។
