ខេត្តបាត់ដំបង-ស្រុកសង្កែ ៖ នៅថ្ងៃទី២៨ ខែវិច្ឆិកា ឆ្នាំ២០២៣ វេលាម៉ោង ១៨នឹង ៣០នាទី នៅលើកផ្លូវជាតិលេខ៥ ត្រង់ចំណុចក្រុមទី ០៧ ភូមិអូសទូក ឃុំកំពង់ព្រៀង ស្រុកសង្កែ ខេត្តបាត់ដំបង មានករណីគ្រោះថ្នាក់ចរាចរណ៍មួយកើតឡើង រវាងរថយន្តនិងម៉ូតូ ដោយរថយន្តម៉ាកហ៊ីយិនដាយ ពណ៌ស ខៀវ ពាក់ផ្លាកលេខ បាត់ដំបង3A.3442 ម្ចាស់រថយន្តមិនស្គាល់អត្តសញ្ញាណ (ឈប់ឡើងស្រូវ) និង ម៉ូតូស៊ុយៗគីស្មាស់ ពណ៌ខ្មៅ ពាក់ផ្លាកលេខ នគរបាល.1.9775 អ្នកបើកបរឈ្មោះ ស សាម៉ុន ភេទប្រុស អាយុ៥១ឆ្នាំ រស់នៅភូមិបឹងវេង ឃុំរាំងកេសី ស្រុកសង្កែ ខេត្តបាត់ដំបង (ជានាយប៉ុស្តិ៍នគរបាលកំពង់ព្រៀងស្លាប់)។
ហេតុការណ៍នេះ បណ្ដាលអោយខូចខាត រថយន្ត០១គ្រឿង ម៉ូតូ០១គ្រឿង និងស្លាប់មនុស្ស ០១នាក់ប្រុស នៅកន្លែងកើតហេតុ ។
តាមការពិនិត្យកន្លែងកើតហេតុ រថយន្តហ៊ីយិនដាយឈប់លើផ្លូវដោយមិនមានសញ្ញាផ្ដល់ដំណឹង (ឡើងស្រូវ) បណ្តាលឲ្យម៉ូតូស៊ុយ ស្គីៗស្មាស់ បើកស្របទិស (ពីជើងទៅត្បូង) បុកពីក្រោយតែម្តង ៕
ដោយ ទៀវ ណារិន
