ស្នួលក្រចេះ៖ ប្រភេទមន្ត្រីគ្រាប់ល្ពៅដែលប្រចាំការនៅច្រកព្រំដែនជ័យឃ្លាំងដែលស្ថិតនៅក្នុងភូមិ ជ័យឃ្លាំង ឃុំក្រញូងសែនជ័យ ស្រុកស្នួលខេត្តក្រចេះកំពុងតែសប្បាយចិត្តយ៉ាងខ្លាំងក្នុងការប្រមូលលុយចែកគ្នាដាក់ហោប៉ាវពើបទល្មើសព្រៃឈើតាមរយៈការបើកភ្លើងខៀវឲ្យមានការដឹកជញ្ជូនអុសឈើប្រភេទឈើប្រណិត នឹងឈើប្រភេទលេខ១ទៅលក់នៅប្រទេសវៀតណាមទាំងយប់ទាំងថ្ងៃ។
ជាក់ស្តែងនៅថ្ថៃទី១៨/០៥/២០០១៨នេះគេឃើញមានឡាននឹងម៉ូតូដឹកជញ្ជូនអុស ឈើប្រណិតនិងឈើប្រភេទលេខ១ជាច្រើនទាំងកណ្តាលថ្ងៃចែសឆ្លងដែនទៅលក់នៅប្រទេសវៀតណាមយ៉ាងរលូនដោយមិនមានការរំខានពីសមត្ថកិច្ចណាឡើយ។ ក្រោយពីឃើញក្រុមអ្នកសារព័ត៌មាននៅចាំថតផ្តិតយករូបភាពមន្ត្រីប្រចាំការនៅច្រកមិនចេញមកបើកបារ៉ាស់អោយឡាននិងម៉ូតូឆ្លងទេដោយទុកឲ្យថៅកែជាជនជាតិវៀតណាមជាអ្នកបើកបារ៉ាស់ឲ្យឡាននឹងម៉ូតូឆ្លងទៅវិញ។ប្រជាពលរដ្ឋដែលរស់នៅតំបន់នេះបានប្រាប់អោយដឹងថាក្នុងមួយយប់ៗលោកមិនសូវបានដេកលក់នោះទេដោយសារតែមានការរំខានពីសំលេងរថយន្តនឹងម៉ូតូដឹកឈើទាំងនោះ។
ហេតុការណ៍ដែលបណ្តាលអោយកើតមានបទល្មើសឈើឆ្លងដែនខាងលើនេះគឺបណ្តាលមកពីមន្ត្រីគ្រាប់ល្ពៅដែលប្រចាំការនៅទីនោះគិតតែប្រយោជន៍ផ្ទាល់ខ្លួនប្រព្រឹតនូវអំពើដ៏គគ្លើននឹងប្រមុខរាជរដ្ឋាភិបាលដែលតែងតែមានប្រសាសន៍មិនអោយមានប្រភេទមន្ត្រីបែបនេះ។
ចំពោះមន្ត្រីដែលពាក់ព័ន្ធនឹងការបើកឲ្យមានការចរាចរណ៍អុស ឈើប្រណិតនឹង ឈើប្រភេទលេខ១នេះមានដូចជា៖
១/ លោក កែវ ណារឹទ្ធ ប្រធានស្នាក់ការច្រក ជ័យឃ្លាំង
២/លោក សឹង្ហ សំណាង វរសេនីយ៍ត្រីនិងជាមេបញ្ជាការកងអនុសេនាតូចលេខ២«ឝ២»
៣/លោក ម៉ម ប៊ុនបញ្ញ៉ា មេប៉ុស្ត៍ ជ័យ ឃ្លាំងដែលគេស្គាល់យ៉ាងច្បាស់ថាជាមនុស្សដែលមានឥទ្ធិពលជាងគេប្រចាំច្រកនេះហើយត្រូវជាប្អូនថ្លៃរបស់លោកឧត្តមសេនីយ៍ទោ លន់ សុផាត ស្នងការខេត្តក្រចេះ។
ពាក់ព័ន្ធជាមួយនឹងបញ្ហាខាងលើនេះគេនៅមិនទាន់ដឹងច្បាស់នៅឡើយទេថាលោក ឧត្តមសេនីយ៍ទោលន់ សុផាតស្នងការក្រចេះ លោក សួងចំរើនមេបញ្ជាការវរសេនាតូចការពារព្រំដែនគោក៦១៩
និង មាស សុភាព មេបញ្ជាការវរសេនាតូចការពារព្រំដែនគោក២០៤លោកបានដឹងឬអត់នៅឡើយទេ៕
សែ សុខា
