ខេត្តប៉ៃលិន ៖ រហូតមកដល់បច្ចុប្បន្ននេះ គេសង្កេតឃើញមានការបើកហាងលក់ម្ហូបអាហារ រីកដុះដាលជាច្រើន គួរឱ្យកត់សម្គាល់ ខណ:ហាងមួយចំនួន មានលក់ម្ហូបសាច់សត្វព្រៃ ដែលព្រាន បាននាំគ្នាចូលទៅដាក់អន្ទាក់ចាប់នៅក្នុងតំបន់អភិរក្ស ។ ជាក់ស្តែងកាលពីជាង១ខែមុន ក្រុមមន្ត្រីអភិរក្ស បានចុះល្បាត ស្រាប់តែប្រទះឃើញអន្ទាក់ និងសត្វព្រៃជាប់អន្ទាក់ងាប់ និងរស់ជាច្រើនក្បាល ។ ទោះបីជាមានការចុះរុះរើអន្ទាក់យកទៅដុតចោល ក៏ក្រុមជនល្មើសនៅតែបន្តសកម្មភាពលួ ចដាក់ក្នុងព្រៃហាមឃាត់ដដែល ។
ប្រភពព័ត៌មានពីប្រជាពលរដ្ឋរស់នៅក្នុងក្រុងប៉ៃលិន បានឱ្យដឹងថា ពួកគាត់ពិតជាមានការ ព្រួយបារម្ភយ៉ាងខ្លាំង ចំពោះជីវិតសត្វព្រៃ ដែលមានសេសសល់នៅក្នុងដែនតំបន់អភិរក្ស ខណ:ហា ងលក់ដូរម្ហូបអាហារតូចធំជាច្រើន ត្រូវគេលក់សាច់សត្វព្រៃ ដែលក្រុមឈ្នួញទិញពីព្រានខិតខូច បន្ទាប់ពីចូលទៅបរបាញ់ ឬដាក់អន្ទាក់ខុសច្បាប់ នៅក្នុងតំបន់អភិរក្សភ្នំខៀវ ។ សាច់សតុដែលគេឧ ស្សាហ៍ប្រទះឃើញលក់ដូរនៅក្នុងហាងមាន ដូចជាមានសាច់ សត្វខ្លាឃ្មុំ ខ្លាត្រី ខ្ទីង ប្រើស ឈ្លូស ក្តាន់ ជ្រូកព្រៃ សំពោច ពស់ ស្ការ អណ្តើក ត្រកួត និងសត្វព្រៃផ្សេងៗ មួយចំនួនទៀត ។
ប្រភពបន្តទៀតថា សត្វព្រៃដ៏កម្រ ដែលជិតផុតពូជអស់ទៅហើយនោះ ត្រូវបានគេបន្តលួចដាក់អន្ទាក់ ក្នុងតំបន់ហាមឃាត់ ចាប់យកទៅលក់ដូរ នៅតាមហាងក្នុងក្រុងប៉ៃលិន ។ មិនត្រឹមតែប៉ុ ណ្ណោះ អ្នកខ្លះទៀតលួចដឹកតាមម៉ូតូ ឬរថយន្តយកទៅលក់ដូរ រហូតដល់ខេត្តបាត់ដំបង ដែលឆ្លងដែនតាមច្រកភូមិក្រចាប់ សង្កាត់អូរតាវ៉ៅ ក្រុងប៉ៃលិន តាមផ្លូវជាតិលេខ៥៧ ហើយគេក៏ធ្លាប់ឃើញសមត្ថកិច្ច ខាងក្រសួងចុះមកចង្ក្រាបចាប់យូរៗ ម្តងដែរ ។ តែក្រុមឈ្មួញ និងម្ចាស់ហាង ដែលលក់ដូរសាច់សត្វព្រៃទាំងនោះហាក់ ដូចជាមិនមានការរាងចាលអ្វីនោះទេ ពោលគឺបន្តលួចលាក់ប្រព្រឹត្ត នាំគ្នាដាក់លក់ឱ្យភ្ញៀវទិញហូបរាល់ថ្ងៃតែម្តង ។
ប្រជាពលរដ្ឋជាច្រើនចូលរួមអបពរ និងសប្បាយចិត្ត ដែលឃើញខាងសមត្ថកិច្ច មានការចាប់ក្រុមជនល្មើសសម្លាប់សត្វព្រៃធ្វើម្ហូប ហើយថតវីដេអូដាក់បង្ហោះតាមហ្វេសប៊ុកនៅឯខេត្តមួយចំនួន ក្នុងប្រទេសកម្ពុជា កាលពីពេលថ្មីៗកន្លងទៅនេះ ។ ចំណែកនៅក្នុងខេត្តប៉ៃលិនវិញ គេមិនសូវឃើញមានមន្ត្រីពាក់ព័ន្ធ ចុះធ្វើការបង្ក្រាប ឬហាមឃាត់ ដល់អ្នកដែលប្រព្រឹត្តបទល្មើសទាំងនោះឡើយ ជាពិសេសម្ចាស់ហាង ដែលលក់ដូរសាច់សត្វព្រៃ គឺប្រកបរបរយ៉ាងរលូន ។
លើសពីនេះ ក្រុមជនខិលខូចមិនត្រឹមត្រែចាប់សត្វព្រៃក្នុងដែនអភិរក្សប៉ុណ្ណោះទេ អ្នកខ្លះឆ្លង ដែនទៅចាប់នៅទឹកដីប្រទេសថៃថែមទៀត ដែលអាចប្រឈមនឹងគ្រោះថ្នាក់ដល់អាយុជីវិត ខណ: ខាងសមត្ថកិច្ចថៃឃើញគេអាចចាប់ ឬបាញ់សម្លាប់នៅទីនោះតែម្តង ៕
