ខេត្តមណ្ឌលគិរី៖ ជនសង្ស័យម្នាក់ជាប់ពាក់ពន្ធក្នុងករណីលួច(ខ្សែដៃ ទូរស័ព្ទ និងលុយខ្មែរ)របស់ក្មេងស្រីចំនួន០៣នាក់នៅខេត្តមណ្ឌលគិរី កាលពីថ្ងៃទី១០,ខែវិច្ឆិការ,ឆ្នាំ២០២៣ សមត្ថកិច្ចឲ្យដឹងថា ជនសង្ស័យឈ្មោះ សួ ពិសិដ្ឋ ភេទប្រុស អាយុ៥២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅសព្វថ្ងៃភូមិ ជំពូវ័ន្ដ ខណ្ឌពោសែនជ័យ រាជធានីភ្នំពេញ។ ត្រូវបាននគបាលខេត្តរនគិរីឃាត់ខ្លួន ក្រោយពីស្ត្រីវ័យក្មេង០៣នាក់ប្រទះឃេីញ ហេីយប្តឹងសមត្ថកិច្ចឲ្យជួយអន្តរាគមន៍។
ប្រភព ក្មេងស្រីទាំង០៣នាក់មានមុខរបរជាអ្នករត់តុត និង មានទីលំនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ពួកគាត់រៀបរាប់ថា ពួកខ្លួនត្រូវបានជនមិនស្គាល់អត្តសញ្ញាណបបួលទៅញាំអីនៅផ្ទះសំណាក់ឈ្មោះ ម៉ាណែលតាមរយៈមេការរបស់ពួកខ្លួន។
លុះពេលទៅដល់ជនសង្ស័យបានអោយពួកខ្លួនជួលបន្ទប់ផ្សេងៗគ្នា ស្រាប់តែមួយសន្ទុះក្រោយមកពួកខ្លួនក៏បានបាត់ទ្រព្យសម្បត្តិសម្ភារៈមានតម្លៃមួយចំនួនរួមមាន៖
១-ទូរសព្ទដៃមួយគ្រឿង ម៉ាក iphone ១៣Promax ពណ៌ខៀវ
២-លុយរៀលចំនួន ២៩០០០០៛ (ពីរសែនប្រាំបួនម៉ឺនរៀល)
៣-ខ្សែដៃចំនួន ០១ខ្សែ ។
ក្រោយពីធ្វើសកម្មភាពលួចយកទ្រព្យសម្បត្តិ ជនសង្ស័យបានគេចខ្លួនបាត់តែម្ដង លុះនៅថ្ងៃទី០៩ ខែវិច្ឆិកា ឆ្នាំ២០២៣ ពួកគាត់ទាំង០៣នាក់ក៏មកធ្វើការនៅខេត្តរតនគីរី ក៏ប្រទះឃេីញជនសង្ស័យ នៅខេត្តរតនគីរី ហេីយក៏ប្ដឹងរាយការណ៍ មកសមត្ថកិច្ចអោយជួយអន្តរាគមន៍ និងឃាត់ខ្លួនជនសង្ស័យខាងលើតែម្តង។
បច្ចុប្បន្ន កម្លាំងជំនាញនៃអធិការដ្ឋាននគរបាលក្រុងបានលុង បានប្រគល់ ជនសង្ស័យ ព្រមទាំងវត្ថុតាងខាងលើ ជូនអោយកម្លាំងជំនាញព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តមណ្ឌលគិរី និងកម្លាំងជំនាញនៃអធិការដ្ឋាននគរបាលក្រុងសែនមនោរម្យ ដើម្បីចាត់ការនីតិវិធីបន្ត ៕
