កណ្តាល ៖ នៅព្រឹកថ្ងៃសៅរ៍ ៦រោច ខែពិសាខ ឆ្នាំច សំរិទ្ធស័ក ព.ស. ២៥៦២ ត្រូវនឹងថ្ងៃទី៥ ខែឧសភា ឆ្នាំ២០១៨ សាខាកាកបាទក្រហមកម្ពុជាខេត្តកណ្តាល បានរៀបចំប្រារព្ធមិទ្ទិងអបអរខួប លើកទី១៥៥ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ក្រោមប្រធានបទ “កាកបាទក្រហមកម្ពុជាមានគ្រប់ទីកន្លែង-សម្រាប់គ្រប់ៗគ្នា មិនទុកនរណាម្នាក់ចោល” ក្រោមអធិបតីភាពលោកជំទាវ ឃួន សុដាវី អនុប្រធានកាកបាទក្រហមកម្ពុជា តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនប្រធានកាកបាទក្រហមកម្ពុជា និង ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល និងជាប្រធានកិត្តិយសសាខា ព្រមទាំងមានការនិមន្ត និងអញ្ជើញចូលរួមពីព្រះសង្ឃ គណៈកិត្តិយសសាខា គណៈកម្មាធិការសាខា មន្ទីរអង្គភាពជុំវិញខេត្ត អនុសាខាកាកបាទក្រហមកម្ពុជាទាំង១១ សប្បុរសជន នានា យុវជនកាកបាទក្រហម ក្រុមកាយឫទ្ធិ សហភាពសហព័ន្ធយុវជនកម្ពុជា និងសិស្សានុសិស្ស ប្រមាណជាង ៣០០០ អង្គ នាក់។ នៅក្នុងពិធីមិទ្ទិងនេះ សាខាបានប្រមូលមូលនិធិពីសប្បុរសជន បានចំនួនសរុប ៥១៣ ០៧២ ដុល្លារ ។
លោក ហុក វិបុល
