ខេត្តរតនគិរីៈ កម្លាំងកងរាជអាវុធហត្ថក្រុងបានលុងចុះបង្ក្រាបអ្នកចែកចាយនិងប្រើប្រាស់គ្រឿងញៀននេះនៅវេលាម៉ោង១២និង៣០នាទីថ្ងៃទី២៥ ខែឧសភា ឆ្នាំ២០១៥ ស្ថិតនៅចំណុចផ្ទះជួលមួយកន្លែងក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី។
ក្រោមការបញ្ជាផ្ទាល់របស់លោកលាវ ស្រេង ព្រះរាជអាជ្ញាអមសាលាដំបូងខេត្ត។ ការចុះបង្ក្រាបនោះដឹកនាំដោយលោកហៃ វណ្ណរ៉ាមេបញ្ជាការកងរាជអាវុធហត្ថក្រុងបានលុងមានកម្លាំងចំនួន៨នាក់បានចុះបង្ក្រាបករណីប្រើប្រាស់ជួញដូររក្សាទុកនូវសារធាតុញៀននៅចំណុចនិយាមកា 16.443 ស្ថិតនៅភូមិឃុំខាងលើ ហើយឃាត់ខ្លួនជនសង្ស័យចំនួនពីរនាក់ ១.ឈ្មោះ ខេម ភត្រា ភេទប្រុស អាយុ២៩ឆ្នាំ ជនជាតិខ្មែរឥស្លាម មុខរបរមិនពិតប្រាកដជាប្តី ២.ឈ្មោះ ឈុន ឡី ភេទស្រី អាយុ២៤ឆ្នាំ ជនជាតិខ្មែរជាប្រពន្ធ ពីរនាក់ប្តីប្រពន្ធ១គូរនេះមានទីលំនៅភូមិឃុំខាងលើ។ ហើយក៏បានដកហូតវត្ថុតាំងរួមមានម្សៅវក្រាមពណ៌សថ្លា(ម៉ាទឹកកក)ចំនួន៥ថង់តូចទងន់១.៧៥០មីលីក្រាម ជញ្ជីថ្លឹងថ្នាំញៀន០១គ្រឿង ទូរស័ព្ទដៃ២គ្រឿង ម៉ូតូ០១គ្រឿងម៉ាកហ្វីណូ ពណ៌សលាយខៀវ ពាក់ស្លាកលេខ ភ្នំពេញ1BE-5768 លុយខ្មែរ២១៥០០រៀល ព្រមទាំងសម្ភារៈវេចខ្ចប់និងជក់មួយចំនួនទៀត ។
បច្ចុប្បន្នការិយាល័យបទល្មើសគ្រឿងញៀនកងរាជអាវុធហត្ថខេត្តកំពុង់កសាងសំណុំរឿងបញ្ជូនប្តីប្រពន្ធមួយ១គួរនេះទៅតុលាការខេត្តរតនគិរីដើម្បីចាត់ការទៅតាមនីតិវិធីច្បាប់៕
សន ចាន់ឌី
