ឃាត់ខ្លួនជនសង្ស័យម្នាក់ជាជនជាតិសាំហ្កាពួនិងវត្ថុតាងគ្រឿងញៀននិងឧបករណ៍ប្រើប្រាស់គ្រឿងញៀន៤០ប្រភេទនៅក្រុងប៉ោយប៉ែត!
បន្ទាយមានជ័យ៖ ឃាត់ខ្លួនជនសង្ស័យម្នាក់ជាជនជាតិសាំហ្កាពួនិងវត្ថុតាងគ្រឿងញៀននិងឧប្បករប្រើប្រាស់គ្រឿងញៀន៤០ប្រភេទត្រូវបានបញ្ជូនមកស្នងការដ្ឋាននគរបាលខេត្តបន្ទាយមានជ័យដើម្បីចាត់ការបន្តនៅថ្ងៃទី១៦ ខែឧសភា ឆ្នាំ២០២៣។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ថា៖ជនសង្ស័យដែលត្រូវឃាត់ខ្លួនមានឈ្មោះ ភីអូ ហីសអូតាដៀវ ភេទប្រុសអាយុ៦៣ឆ្នាំ(ជាជនជាតិសាំងហ្កាពួរ)ស្នាក់នៅម្តុំបុរី(ហ្គ្រូដឡាក់)ស្ថិតភូមិមិត្តភាព សង្កាត់.ក្រុងប៉ោយប៉ែត ខេត្តបន្ទាយមានជ័យ។
លោកបានបញ្ជាក់ថា៖ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តនិងដឹកនាំអនុវត្តដោយលោកឧត្តមសេនីយ៍ត្រី ធិន ស៊ិនដេត ស្នងការរងទទួលផែនប្រឆាំងបទល្មើសគ្រឿងញៀនខេត្តបានធ្វើការស្រាវជ្រាវនិងកំណត់មុខសញ្ញាឃាត់ខ្លួនជនសង្ស័យជាជនបរទេសម្នាក់ឈ្មោះ ភីអូ ហីសអូតាដៀវ ជនជាតិសាំងហ្កាពួរ ព្រមទាំងដកហូតគ្រឿងញៀននិងឧប្បករណ៍ប្រើប្រាស់និងផលិតចំនួន៤០មុខក្នុងនោះមានគ្រឿងញៀនប្រភេទក្រាមសថ្លាចំនួន១៩៤ថងតូច.ធំនិងគ្រឿងញៀនប្រភេទគ្រាប់ចម្រុះចំនួន១១៧គ្រាប់និងជញ្ជីងថ្លឹងគ្រឿងញៀនចំនួន២គ្រឿង ឧប្បករណ៍ផលិតកែឆ្នៃគ្រឿងញៀនមួយចំនួនដែលបង្ក្រាបកាលពីថ្ងៃទី១៤ ខែឧសភា ឆ្នាំ២០២៣នៅម្តុំបុរីហ្គ្រូដឡាក់ស្ថិតភូមិមិត្តភាព សង្កាត់.ក្រុងប៉ោយប៉ែត។
លោកវរសេនីយ៍ឯក សៅ សារឿន បានបញ្ជាក់ថា៖ការបង្ក្រាបគ្រឿងញៀនអនុវត្តន៍តាមដិការបង្គាប់និងដឹកនាំលោក លឹម ប៊ុនសុភ័ក្រ ព្រៈរាជអជ្ញារងអមសាលាដំបូងខេត្តបន្ទាយមានជ័យ ក្រោយបង្ក្រាបឃាត់ជនសង្ស័យម្នាក់ជាជនជាតិសាំងហ្កាពួរនិងរឹមអូសវត្ថុតាងគ្រឿងញៀនដើម្បីបញ្ជូនមកសាកសួរនៅស្នងការដ្ឋាននគរបាលខេត្តបន្ទាយមានជ័យដើម្បីចាត់ការតាមច្បាប់បន្ត៕
