ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីល្ងាចថ្ងៃទី១០ ខែឧសភាឆ្នាំ២០២៣ បានសម្រេចចេញដីកាឃុំខ្លួនជនត្រូវចោទម្នាក់ដាក់ពន្ធនាគារបណ្តោះអាសន្នរឿងចេញសែកស្អុយ។
សូមជម្រាបថា តំណាងអយ្យការអមសាលាដំបូងរាជធានីភ្នំពេញ បានចេញដីកាបញ្ជាឲ្យឈ្មួញរកស៊ីទិញលក់ដីធ្លី និងសាងសង់ផ្ទះល្វែងលក់ម្នាក់ ឲ្យចូលខ្លួនទៅឆ្លើយបំភ្លឺពាក់ពន្ធលើ ករណីមិនបំពេញកាតព្វកិច្ចចំពោះឧបករណ៍អាចជួញដូរបាន”ប្រើប្រាស់សែកស្អុយប្រមាណជាង១០ម៉ឺនដុល្លារអាមេរិក”ប៉ុន្តែបុគ្គលនោះមិនបានចូលខ្លួនតាមដីកាបញ្ជាទេ ទើបតំណាងអយ្យការសម្រេចឲ្យសមត្តកិច្ចកងរាជអាវុធហត្ថរាជធានីភ្នំពេញនាំខ្លួន ស្មើនិងចាប់ ខ្លួន ដើម្បីយកមកសាកសួរពាក់ពន្ធលើការចោទប្រកាន់នោះ ។
ជនសង្ស័យឈ្មោះ ម៉ាញ សុចិន្តា ភេទប្រុស អាយុ ៤១ឆ្នាំ មុខរបររកស៊ីទិញលក់ដីធ្លី ស្នាក់នៅផ្ទះលេខ៤៣ ភូមិទួលពង្រ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។
តាមដីកាបញ្ជាឲ្យចូលខ្លួនលេខ១៩០ អ.យ.គ របស់លោក ហេង ផេង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបញ្ជាក់ថា ឈ្មោះ ម៉ាញ សុចិន្តា ត្រូវចូលខ្លួនឲ្យបានមុនថ្ងៃទី១៩ ខែឧសភា ឆ្នាំ២០២៣ នៅរៀងរាល់ម៉ោងធ្វើការ ដើម្បីសាកសួរនិងស្តាប់ចម្លើយ ពីដំណើររឿង.មិនបំពេញកាតព្វកិច្ចចំពោះឧបក រណ៍អាចជួញដូរបាន ប្រព្រឹត្តនៅរាជធានីភ្នំពេញ ។ ប៉ុន្តដោយ សារតែជនសង្ស័យមិនគោរពតាមដីកាបញ្ជាឲ្យចូលខ្លួន ចំនួន២ លើករួចមកហើយនោះ និងបានព្យាយាមគេចខ្លួច ទើបតំណាងអយ្យការសម្រេចឲ្យសមត្តកិច្ចកងរាជអាវុធហត្ថនាំខ្លួនតែម្តង ៕
