កំពង់ចាម ៖ យុវជន ៦ នាក់ ដែលសង្ស័យប្រើប្រាស់គ្រឿងញៀន ត្រូវបានកម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងជំនាញ អធិការដ្ឋាននគរបាលស្រុកស្រីសន្ធរ បង្ក្រាបបាន រួមទាំងដកហូតនូវវត្ថុតាងមួយចំនួន ។
កាលពីថ្ងៃទី២៥ វិច្ឆិកា ២០១៧ វេលាម៉ោង ១៥ និង៣០នាទី នៅចំណុចភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម ជំនាញការិយាល័យប្រឆាំងគ្រឿងញៀន សហការជាមួយកម្លាំងជំនាញ អធិការដ្ឋាននគរបាលស្រុកស្រីសន្ធរ ដឹកនាំដោយលោកវរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀន ប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ដោយប្រើវិធានញុះញង់ ឃាត់ខ្លួនជនសង្ស័យ០៥នាក់ ។
១-ឈ្មោះ ងិន ឈិន ភេទប្រុស អាយុ២៧ឆ្នាំ ជាតិខ្មែរ នៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម(មុខសញ្ញាចែកចាយ)
២-ឈ្មោះ ហ៊ុន ចក់ ភេទប្រុស អាយុ៤៧ឆ្នាំ ជាតិខ្មែរ នៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម(មុខសញ្ញាចែកចាយ)
៣-ឈ្មោះ គឹម ហ៊ាង ភេទប្រុស អាយុ២៤ឆ្នាំ ជាតិខ្មែរ នៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម(លទ្ធផលធ្វើតេស្តវិជ្ជមាន)។
៤-ឈ្មោះ ចាប ឌីម ភេទប្រុស អាយុ១៩ឆ្នាំ នៅភូមិជើងដឹក ឃុំប្រាំយ៉ាម ស្រុកស្រីសន្ធរ ខេត្តកំពង់ចាម (លទ្ធផលធ្វលតេស្តវិជ្ជមាន)
៥-ឈ្មោះ ឆោម ចាន់នី អាយុ១៩ឆ្នាំ ជាតិខ្មែរ នៅភូមិក្តីថ្ករ ឃុំប្រាំយ៉ាម ស្រុកស្រីសន្ធរ ខេត្តកំពង់ចាម(លទ្ធធ្វើតេស្តវិជ្ជមាន)
៦-ឈ្មោះ ស៊ឹម វិសាល ភេទប្រុស នៅភូមិព្រែកពោធិ៍លើ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម (លទ្ធផលធ្វើតេស្តវិជ្ជមាន)
ក្នុងសកម្មភាពបង្ក្រាបនេះ កម្លាំងសមត្ថកិច្ចរឹបអូសបាន វត្ថុតាងមានដូចជា ម្ស៉ៅក្រាមពណ៌ស សង្ស័យថ្នាំញៀន ចំនួន០៩កញ្ចប់តូច ទូរស័ព្ទដៃចំនួន ០៤គ្រឿង ម៉ូតូចំនួន០៣គ្រឿង និងឧបករណ៍សេពគ្រឿងញៀន មួយសម្រាប់ ៕
