ថ្មីៗនេះបណ្តាញសារព័ត៌មាននិងគេហទំព័រក្នុងបណ្តាញសង្គមជាច្រើនបាន ចុះផ្សាយយ៉ាងព្រោង ព្រាត ស្តីពីករណីលោក ប៉ាង ហៀង អធិការនគរ បាលក្រុង បាត់ដំបង ខេត្ត បាត់ដំបងបានកោះហៅ ម្ចាស់ទីតាំងបើកអាជីវកម្មអ៊ីនធើណែតល្បែងស៊ីសង គ្រប់ប្រភេទក្នុងមូលដ្ឋាន មកធ្វើកិច្ចសន្យាផ្តិតមេដៃតម្លើងលុយដាក់ខែ ថ្នូរនឹង ការមិនបង្ក្រាបបនល្បែងទាំងនោះ។
ជុំវិញការរិះ គន់ចោទប្រកាន់ខាងលើនេះ នៅព្រឹកថ្ងៃទី៥ តុលា ២០១៧ ភ្នាក់ងារសារព័ត៌ មានយើង បានទំនាក់ទំ នងសុំការបំភ្លឺពីលោក ប៉ាង ហៀង តាមទូរស័ព្ទ លោកបានប្រាប់ថា ការ កោះហៅម្ចាស់ទីតាំងបនល្បែងស៊ីសង មកធ្វើកិច្ច សន្យាពិតជាបានកោះហៅមែន ប៉ុន្តែគឺកិច្ចសន្យា បញ្ឈប់នៃការបើកល្បែងស៊ីសងខុសច្បាប់ មិនមែន ដូចអ្នកកាសែតមួយចំនួនថា ហៅមេល្បែងស៊ីសងមកផ្តិតមេដៃ តម្លើងលុយ ដាក់ខែនោះទេ ។ ករណី នេះ លោកសូមច្រាន ចោលទាំងស្រុង គឺមិនពិតទេ ។
លោក ប៉ាង ហៀង បញ្ជាក់ទៀតថា ការចុះផ្សាយរបស់គេហទំព័រមួយចំនួនដែលធ្វើឡើងដោយប្រាសចាកពីវិជ្ជាជីវៈ និង ក្រមសីលធម៌អ្នកសារព័ត៌ មានបែបនេះ វានឹងធ្វើឲ្យ មហាជនអស់ជំនឿលើអ្នក កាសែតទាំងនោះទៅ វិញទេ ព្រោះធ្វើព័ត៌មាន ដោយលម្អៀងគ្មានសួរនាំ រូបលោកដើម្បីបកស្រាយឲ្យច្បាស់លាស់ចៀសវាងការភ័ន្តច្រឡំ ។
លោកបន្ត ថាការធ្វើការងារចុះបង្ក្រាបបទល្មើសផ្សេងៗមិនចាំ តែបទល្មើសល្បែងស៊ីសង មួយមុខនោះទេ គឺសមត្ថ កិច្ចរបស់លោកចុះអនុវត្តជាប្រចាំដើម្បីភូមិ-ឃុំ មានសុវត្ថិភាព ក្រោមការបញ្ជាផ្ទាល់ពីលោកឧត្តមសេនីយ៍ អ៊ុច សាខុន ស្នង ការនគរបាលខេត្ត បាត់ ដំបង ដែលទើបចូលកាន់ តំណែងថ្មីៗហើលោកបាន ដាក់បទបញ្ជាយ៉ាង មុឺងម៉ាត់ក្នុងការបង្ក្រាបបទល្មើសដើម្បីការពារ សុខ សុវត្ថិភាព និងផ្តល់ ភាពកក់ក្តៅដល់ពលរដ្ឋ ក្នុងមូលដ្ឋាន ។ ដោយ ឡែកបុគ្គលជាអ្នកកាសែត មួយចំនួនដែល បាត់បង់ លាភសក្ការៈពីបនល្បែង ហើយបែរមកចុះផ្សាយ បរិហារមួលបង្កាច់បង្ខូចឈ្មោះ អង្គភាពរបស់ លោកតាមគេហទំព័រ លោកកំពុងពិចារណា លើផ្លូវច្បាប់ ដើម្បីមាន វិធានការតាមនីតិវិធី នាពេលខាងមុខ ៕
ឯកឧត្តម ឧត្តមសេនីយ៍ទោ អ៊ិច សុខុន ស្នងការនគរបាលខេត្តបាត់ដំបង
