ខេត្តប៉ៃលិន ៖ ជនសង្ស័យចំនួន៣នាក់ ដែលធ្លាប់ប្រើប្រាស់គ្រឿងញៀនអស់រយ:ពេលជាយូរមកហើយ រហូតមកដល់ពេលនេះ ត្រូវបានសមត្ថកិច្ចនគរបាលបន្តចាប់ឃាត់ខ្លួនបញ្ជូនទៅស្នង ការនគរបាលខេត្ត ដើម្បីចាត់ការបន្ត ខណ:អ្នកខ្លះធ្លាប់ជាប់គុកជាច្រើនដងមកហើយ តែចេញមកវិ ញមិនរាងចាល ក៏ត្រូវនគរបាលចាប់សារជាថ្មីឡើងវិញ ។
ហេតុការណ៍ចាប់ឃាត់ខ្លួន ជនសង្ស័យទាំង៣នាក់ខាងលើនេះ បានកើតឡើងកាលពីវេលាម៉ោង២និង៣០នាទីរសៀល ថ្ងៃទី២៥ ខែកញ្ញា ឆ្នាំ២០១៧ ស្ថិតនៅក្នុងភូមិអូរច្រាកើត សង្កាត់ទួល ល្វា ក្រុងប៉ៃលិន ។
ប្រភពព័ត៌មានបានឱ្យដឹងថា ក្រោមការដឹកនាំរបស់លោកឧត្តមសេ នីយ៍ត្រី ជា ចាន់ឌិន ស្នងការនគរបាលខេត្តប៉ៃលិន ដោយមានការឯកភាពពីលោក តូច ភក្ដី ព្រះរាជអាជ្ញាអមសាលាដំបូងខេត្ដប៉ៃលិន បានចាត់ឲ្យលោកវរសេនីយ៍ឯក សោម ប៉ិម ស្នងការរងទទួលផែននគរបាលប្រ ឆាំងបទល្មើស និងដឹកនាំផ្ទាល់ដោយលោកវរសេនីយ៍ទោ ផង់ ជឿម នាយការិយាល័យប្រឆាំងគ្រឿ ងញៀន ចុះដឹកនាំកងកម្លាំងក្រោមឱវាទ ធ្វើការបង្ក្រាបករណីប្រើប្រាស់គ្រឿងញៀនខុសច្បាប់ចំនួនមួយកន្លែងនៅចំណុចភូមិខាងលើ ដោយធ្វើការឃាត់ខ្លួនជនសង្ស័យបានចំនួន០៣នាក់ និងវត្ថុតាងថ្នាំញៀនប្រភេទម៉ាទឹកកក (ICE) ចំនួន០១ កញ្ចប់តូច ស្មើរនឹង០,០៦ក្រាម ថ្លឹងទាំងសំបកថង់ និងសំភារៈប្រើប្រាស់គ្រឿងញៀនមួយចំនួន ។
ប្រភពបន្តទៀតថា ជនសង្ស័យទាំងនោះមានឈ្មោះដូចខាងក្រោម ទី១- ឈ្មោះ ឡេវ គា ( ហៅ អាគា) ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិខាងលើ ទី២- ហេង ម៉ៅ ( ហៅ អាម៉ៅ) ភេទប្រុស អាយុ២០ឆ្នាំ មុខរបរមិនពិតប្រាកដ រស់នៅភូមិខាងលើ និងទី៣- ឈ្មោះ សេង ម៉ៃ ភេទប្រុស២២ឆ្នាំ មុខរបរមិនពិតប្រាកដ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្ដប៉ៃលិន ។
បច្ចុប្បន្នសមត្ថកិច្ចជំនាញកំពុងរៀបចំសំនុំរឿង បញ្ជូនជនសង្ស័យខាងលើ ទៅអយ្យការអម សាលាដំបូងខេត្ត ឱ្យចាត់ការតាមនិតិវិធីច្បាប់ ៕ ដោយ ៖ នីយ៉ា
