ប៉ៃលិន ៖ លោកជំទាវ ស្រ៊ី ចាន់អេង ប្រធានមន្ទីរព័ត៌មាន និង ព្រះសង្ឃ មន្ត្រី រាជការ អង្កាក្រៅរដ្ឋាភិបាល ក្នុងនិងក្រៅប្រទេស និងសប្បរសជន ជាច្រើននាក់បានអញ្ជើញចូលរួមនឹងនាំយកថវិការជួយដល់សាខាកាកបាទក្រហមកម្ពុជាខេត្តប៉ៃលិន ជាភ្ញៀវកិត្តិយស ក្នុងពិធីសាខាកាកបាទក្រហមកម្ពុជាខេត្តប៉ៃលិនខួបលើកទី១៥៤ ទិវា «ពិភពលោកកាកបាទក្រហម អឌ្ឍចន្ទក្រហម០៨ឧសភា» នៅខេត្តប៉ៃលិន ព្រឹកថ្ងៃទី១២ ខែសីហា ឆ្នាំ២០១៧បានរៀបចំពិធីអបអរសាទរខួបទី១៥៤ ទិវាពិភពលោកកាកបាទក្រហម អឌ្ឍចន្ទក្រហម ០៨ ឧសភា ឆ្នាំ២០១៧ ក្រោមប្រធានបទ «កាកបាទក្រហមមានគ្រប់ទីកន្លែង សម្រាប់គ្រប់ៗគ្នា» ដែលបានប្រារព្វធ្វើនៅសាលប្រជុំរោងកុនចាស់ ក្រោមអធិបតីភាព ឯកឧត្តមនាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពាជាតិ និងជាប្រធានកិត្តិយស សាខាកាកបាទក្រហមកម្ពុជាខេត្តប៉ៃលិន។
ថវិកាប្រមូលបានសរុបចំនួន១២,៥៧៨៩ដុល្លារអាមេរិក ដោយបានពីការបរិច្ចាកធនធានផ្ទាល់ខ្លួនពីសំណាក់ ឯកឧត្តម លោកជំទាវ លោក លោកស្រី សប្បុរសជន ក្នុងខេត្ត និងក្រៅខេត្តសរុបចំនួន៨០០នាក់ ។ បន្ទាប់ពីបានប្រារព្ធពិធីតាមរបៀបវារៈ ដែលបានគ្រោងទុករួចមក ឯកឧត្តមសៅ សារ៉ាត់ អនុប្រធានកាបាតក្រហមខេត្ត ខេត្តប៉ៃលិនបានអានរបាយការណ៌ ពីសកម្មភាពការងាររយ:ពេលកន្លងមក របស់សាខាកាកបាទក្រហមកម្ពុជាខេត្ត។
និងលោកជំទាវ បាន ស្រីមុំ ប្រធានគណកម្មាធិការខាបានអានសេចក្តីថ្លែងការណ៍ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមជាតិកម្ពុជា ។
ឯកឧត្តម អ៊ី ឈាន បានថ្លែងការកោតសរសើរ ចំពោះសកម្មភាពរបស់សាខាកាកបាទក្រហមកម្ពុជាខេត្តប៉ៃលិនដែលរយៈពេលកន្លងមក តែងចុះជួយបានទាន់ពេលវេលា នូវរាល់បញ្ហា និងភាពប្រឈមនានា របស់ប្រជាពលរដ្ឋនៅក្នុងមូលដ្ឋានរបស់ខ្លួន ដូចមានក្នុងរបាយការណ៍ស្រាប់ ។
ជាពិសេស ឯកឧត្តមបានសង្កត់ធ្ងន់ ទៅលើការដឹកនាំដ៏វៀងវៃ ប្រកបដោយគតិបណ្ឌិត និងសន្តានចិត្តមុតស្រួច របស់សម្តេចកិត្តិបណ្ឌិត ប្រធានកាកបាទក្រហមជាតិកម្ពុជា រយៈពេល០៦អណត្តិកន្លងមក ដែលធ្វើឲ្យមជ្ឈដ្ឋានជាតិ អន្តរជាតិ ទទួលស្គាល់ តាមរយៈសកម្មភាពមនុស្សធម៌ ទៀងត្រង់ ស្របតាមគោលការណ៍គ្រឹះទាំង០៧យ៉ាង គឺសកម្មភាព-ឯកភាព-សេវាកម្មស្ម័គ្រចិត្ត-ឯករាជ្យភាព-ភាពមនុស្សធម៌-ភាពមិនលំអៀង-និងអព្យាក្រឹតភាព ។
ឯកឧត្តម អ៊ី ឈាន បានបញ្ជាក់បន្ថែមថា ថវិកាចូលរួមឧបត្ថម្ភរបស់សប្បុរសជនទាំងអស់ គឺពិតជាបានចូលរួមធ្វើបុណ្យធំណាស់ បើគិតតាមផ្លូវព្រះពុទ្ធសាសនា ពីព្រោះថវិកា ដែលយើងគ្រប់គ្នាបានឧបត្ថម្ភនេះ ត្រូវបានកាកបាទក្រហមជាតិកម្ពុជា ដឹកនាំដោយសម្តេចកិត្តិបណ្ឌិត ចុះធ្វើសកម្មភាពជួយនៅគ្រប់ទីកន្លែង និងជាច្រើនមុខសញ្ញា រួមមានៈ ជនក្រីក្រ-ជនរងគ្រោះ និងជនងាយរងគ្រោះ-ប្រជាពលរដ្ឋរងគ្រោះ ដោយគ្រោះធម្មជាតិ-កុមារកំព្រា គរថ្លង់ កុមារខ្សោយសតិបញ្ញា និងជនចាស់ជរាគ្មានទីពឹងជាដើម៕
លោក ហុក វិបុល
