ខេត្តប៉ៃលិន ៖ ពលករខ្មែរជាច្រើននាក់ ដែលឆ្លងដែនពីប្រទេសថៃមកខ្មែរ តាមច្រកទ្វារអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ និងម្ចាស់ក្រុមហ៊ុនដឹកជញ្ជូនពលករខ្មែរមួយឈ្មោះ(SK) ដែល បានដាក់ទីតាំងនៅក្បែរច្រកទ្វារមួយនេះ បានរអ៊ូរទាំថា រហូតមកដល់ពេលនេះ មានការលំបាកឆ្លងដែន ដោយសារមានខាងខ្មែរប្តឹងទៅអាជ្ញាធរ និងតម្រួតថៃធ្វើការរឹតបន្តឹង ដោយកាលពីមុនបើទោះជាពលករមាន លិខិតឆ្លងដែន ឬអត់លិខិតឆ្លងដែនត្រឹមត្រូវក៏ដោយ ពួកគាត់អាចធ្វើដំណើរតាមរយ:ក្រុមហ៊ុនចូលមកខ្មែរ ដើម្បីធ្វើលិខិតឆ្លងដែនរួចត្រឡប់ទៅធ្វើការនៅស្រុកថៃវិញបានផងដែរ ។
ប្រភពព័ត៌មានពីពលករដែលតែងធ្វើដំណើរឆ្លងដែនពីថៃមកខ្មែរ តាមច្រកទ្វារអន្តរជាតិខាងលើ បាន ឱ្យដឹងថា កាលពីប៉ុន្មានខែមុន ប្រជាពលរដ្ឋខ្មែរ មានការសប្បាយរីករាយ ដោយមានក្រុមហ៊ុនដឹកជញ្ជូនមួយ ឈ្មោះ (អេស ខេ) តែងតែនាំពួកគេចេញពីប្រទេសថៃ ចូលមកខ្មែរយ៉ាងរលូន ។ ប៉ុន្តែមួយរយ:ក្រោយមក ស្រាប់តែត្រូវខាងតម្រួត និងអាជ្ញាធរថៃ ធ្វើការរឹតបន្តឹង ឱ្យឆែកឆេរ ត្រួតពិនិត្យ រថយន្តគ្រប់លំដាច់ ជាពិសេ សរថយន្តក្រុមហ៊ុន(SK) តែម្តង ។ ពួកគាត់បន្តទៀតថា ការធ្វើការរឹតបន្តឹងការត្រួតពិនិត្យរបស់ថៃនេះ ដោយ សារតែមានការប្តឹងពីខាងស្នាក់ការច្រក ព្រោះតែមិនបានទទួលលាភសក្ការ:ពីខាងម្ចាស់ក្រុមហ៊ុន ទើបធ្វើបាប ពលករខ្មែរ ដោយប្តឹងឱ្យខាងថៃធ្វើការរឹតបន្តឹងបែបនេះ ។ ដូច្នេះហើយ ទើបបងប្អូនប្រជាពលរដ្ឋខ្មែរ ដែលអត់មានលិខិតឆ្លងដែនត្រឹមត្រូវ ដោយកាលពីមុនអាចធ្វើដំណើរតាមក្រុមហ៊ុនខាងលើបានយ៉ាងរលូន ។ ប៉ុន្តែ នៅពេលនេះ ត្រូវគេហាមប្រាម ហើយបើថៃឆែកឆេររកឃើញនោះនឹងមានការចាប់ចងធ្វើបាប ព្រមទាំងពិន័យទៅលើក្រុមហ៊ុនផងដែរ ។
ចំណែកម្ចាស់ក្រុមហ៊ុនខាងលើ បានឱ្យដឹងថា ការដឹកជញ្ជូនពលករខ្មែរពីថៃចូលមកក្នុងទឹកដីខេត្តប៉ៃ លិននាពេលនេះ មានការលំបាក ដោយដឹកបានតែពលករមានលិខិតឆ្លងដែនប៉ុណ្ណោះ ចំណែកអ្នកដែលគ្មាន លិខិតត្រឹមត្រូវនោះមានការលំបាកដោយសារតែខាងស្នាក់ការច្រកទ្វារអន្តរជាតិព្រំ បានប្តឹងទៅខាងតម្រួតថៃ ឱ្យឆែកឆេរ និងធ្វើបាបប្រជាពលរដ្ឋខ្លួនឯង ។ ប្រភពបន្តទៀតថា តាមពិតខាងក្រុមហ៊ុនមិនមែនរកស៊ីដឹកជញ្ជូ នអ្នកឆ្លងដែនខុសច្បាប់នោះទេ ដោយគ្រាន់តែចង់ជួយដឹកខ្មែរដែលធ្វើការនៅប្រទេសថៃអត់មានលិខិតឆ្លង ដែនត្រឹមត្រូវ ឱ្យមកធ្វើលិខិតឆ្លងដែន រួចត្រឡប់ទៅធ្វើការងារនៅប្រទេសថៃវិញ ដោយស្របច្បាប់ប៉ុណ្ណោះ ។
ម្ចាស់ក្រុមហ៊ុនខាងលើ បានបញ្ជាក់ទៀតថា មូលហេតុនេះ គឺមានខាងភាគីថៃ បាននិយាយថា ពួកគេធ្វើការត្រួតពិនិត្យទៅលើរថយន្តក្រុមហ៊ុនខាងលើ ដោយសារតែមានពាក្យបណ្តឹងចេញពីស្នាក់ការច្រកទ្វារ អន្តរជាតិព្រំ ទើបរឹតបន្តឹងបែបនេះ ។ លើសពីនេះ ខាងស្នាក់ការតែងតែរករឿងគ្រប់បែបយ៉ាង ដល់ម្ចាស់ក្រុម ហ៊ុន ដោយប្រហែលជាចង់ឱ្យបង់ប្រាក់ជូនប៉ុណ្ណោះ ប៉ន្តែខាងក្រុមហ៊ុនធ្វើតាមផ្លូវច្បាប់ ដោយបង់ឱ្យគ្រប់ផ្នែក អស់ហើយ ។
ពាក់ព័ន្ធទៅនឹងបញ្ហានេះ លោក សុខ សាវុធ ប្រធានស្នាក់ការច្រកទ្វារអន្តរជាតិ ខេត្តប៉ៃលិន បានឱ្យ ដឹងថា ខាងច្រកមិនមានការប្តឹងក្រុមហ៊ុនខាងលើ អំពីបញ្ហាពលករខ្មែរឆ្លងដែនចូលមកខ្មែរ អត់មានលិខិតឆ្លង ដែននោះទេ មានតែធ្វើការសម្របសម្រួលឱ្យពួកគាត់ឆ្លងមកខ្មែរប៉ុណ្ណោះ ។ លោកបន្តទៀតថា ខាងលោកមិ នដែលធ្វើបាបប្រជាពលរដ្ឋខ្មែរ ដូចការចោទប្រកាន់នោះឡើយ ៕
ដោយ ៖ នីយ៉ា
