ខេត្តកំពត៖សមត្ថកិច្ចមូលដ្ឋានហាក់រក្សាភាពស្ងប់ស្ងាត់ មិនឃើញចុះណែនាំនិងបង្ក្រាបទាល់តែសោះ ខណៈល្បែងស៊ីសងប្រភេទជល់មាន់ អាប៉ោង និងយូរគី កំពុងបើកឲ្យលេងយ៉ាងគគ្រឹកគគ្រេងស្ថិតនៅក្នុងភូមិអូរតូច សង្កាត់អណ្ដូងខ្មែរ ក្រុងកំពតខេត្តកំពត ដែលជាការព្រួយបារម្ភនិងភ័យខ្លាច របស់ប្រជាពលរដ្ឋ ព្រោះថា មានល្បែងស៊ីសងកើតមានឡើងតែងតែមាននូវបទល្មើសផ្សេងៗដូចជា អំពើចោរកម្ម អំពើហិង្សាក្នុងគ្រួសារ និងបទល្មើសជួញដូរនិងប្រើប្រាស់គ្រឿងញៀនជាដើម។
ទីតាំងដែលកំពុងបើកឲ្យលេងល្បែងស៊ីសងប្រភេទជល់មាន់អាប៉ោង និងយូរគី យ៉ាងគក្រើក ដោយមិនខ្វល់ពីការរំខានដល់អ្នកជិតខាងនេះហាក់បីដូចជាផ្គើនទៅនឹងវិធាការរបស់ថ្នាក់ដឹកនាំ និងក្រសួងសុខាភិបាល ដោយសារភាគច្រើនអ្នកចូលទៅលេងមិនមានការពាក់ម៉ាសការពារជំងឺឆ្លងកូវីដនោះឡើយ ខណៈជំងឺនេះនូវមិនទាន់សាបរលាបនៅឡើយ ឯជំងឺឆ្លងប្រភេទថ្មីក៏កំពុងកើតមានឡើងដ៏គួរឲ្យព្រួយបារម្មពីថ្នាក់ដឹកនាំផងដែរនោះ។
ពាក់ព័ន្ធបញ្ហាខាងលើនេះអង្គភាពគេហទំព័រ ខ្មែរម្ចាស់ការ បានខលរាយកការជូននាយប៉ុស្តិ៍ស្តីទីអណ្តូងខ្មែរ នារសៀលថ្ងៃទី៣០ ខែមករា ឆ្នាំ២០២២ លោកបានឆ្លើយថា លោករឿងហ្នឹងលោកមិនហានធ្វើទេទាល់តែមានបទបញ្ជា ដោយសារគេបាននិយាយត្រូវរ៉ូវគ្នាជាមួយថ្នាក់លើអស់ហើយ។ដោយឡែកលោកអធិការក្រុងកំពតវិញបានប្រាប់ថា ពាក់ព័ន្ធរឿងហ្នឹងលោកក៏បានលើកឡើងក្នុងកិច្ចប្រជុំហើយដែរ តែលោកមិនបានបញ្ជាក់អំពីការចុះបង្ក្រាបនោះទេ។
ដូច្នេះសង្ឃឹមថាស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ នឹងមានចំណាត់ការ ដើម្បីឲ្យស្របតាមគោលនយោបាយភូមិ ឃុំ មានសុវត្ថិភាពរបស់ប្រមុខរាជរដ្ឋាភិបាលកម្ពុជាដែលបានដាក់ចេញ៕ដោយៈលោក ផូង បញ្ញា
