មណ្ឌលគីរី ៖ កម្មករធ្វើរ៉ែមាសនៅឃុំចុងផ្លាស់ម្នាក់ រងរបួសធ្ងន់ធ្ងរ ត្រូវបានគេបញ្ជូនមកដល់មន្ទីរពេទ្យបង្អែកខេត្តនៅព្រលឹមថ្ងៃទី០២ មករា ឆ្នាំ ២០១៦ ។ ហេតុការណ៏នេះ កើតឡើងដោយសារជំលោះកាប់ចាក់គ្នា ទើបបណ្តាលឱ្យភាគីម្ខាងរបួសផ្នែកក្បាលធ្ងន់ធ្ងរជាច្រើកន្លែង ។
ក្នុងហេតុការណ៍នេះគ្មានសមត្ថកិច្ចណាម្នាក់ ធ្វើការអះអាងថា កើតឡើងម៉ោងប៉ុន្មាន និងបង្កឡើងដោយមូលហេតអ្វីនោះឡើយ។
លោក ឡេវ វិបុល នាយប៉ុស្តិ៍រដ្ឋបាលឃុំចុងផ្លាស់ ស្រុកកែវសីមានៅ ព្រឹកថ្ងៃទី០២ មករា ឆ្នាំ ២០១៦ បានបញ្ជាក់ថា លោកពុំទាន់ដឹងថា បង្កដោយសារមូលហេតុអ្វីនៅឡើយ ។ សូមជម្រាបថា គ្មានសមត្ថកិច្ចនិងអាជ្ញាធរណាម្នាក់នៅទីនោះថា អ្នករងគ្រោះជាអ្នកណានោះឡើយ ប៉ុន្តែមានប្រភពជាផ្លូវការបានអះអាងថា អ្នករងគ្រោះនោះគឺជាកម្មកររបស់ប្រធានសហគមន៍រ៉ែមាស ។
លោក អ៊ុន ឈានលឹម ប្រធានសហគមន៍រ៉ែមាស និងជាម្ចាស់រណ្តៅមាសផងនោះ លោកបានបញ្ជាក់ប្រាប់ថា អ្នករងរបួសនេះ គឺជាកម្មកររបស់គាត់ ។
ក្រុមគ្រូពេទ្យឱ្យដឹងថា ឈ្មោះ ឈិន សុខនី ភេទប្រុសអាយុ ២៨ ឆ្នាំ ជនជាតិខ្មែរ បច្ចុប្បន្នរស់នៅឃុំចុងផ្លាស់ ស្រុកកែវសីមា ខេត្តមណ្ឌលគិរី ហើយបច្ចុប្បន្នបានបញ្ជូនអ្នករបួសទៅព្យាបាលនៅភ្នំពេញ ៕
ហេង ចាន់ណុប
