ខេត្តសៀមរាប ៖ ឱសានុវាទក្នុងការគោរពច្បាប់ចរាចរណ៍ផ្លូវគោក នឹងត្រូវអនុវត្តនៅថ្ងៃទី០១ ខែ មករា ឆ្នាំ២០១៦នាពេល ខាងមុខនេះ នៅទូទាំងព្រះរាជាណាចក្រកម្ពុជា ។ ដោយឡែកនៅខេត្តសៀមរាប ក្នុងរយៈពេលប៉ុន្មានថ្ងៃមកនេះ សំខាន់នៅថ្ងៃទី ៣០ ខែ ធ្នូ ឆ្នាំ២០១៥នេះ នៅនៅយានដ្ឋានត្រួតពិនិត្យបច្ចេកទេសយានយន្តខេត្តសៀមរាប យើងបានសង្កេតមានរថយន្តគ្រប់ប្រភេទ ទាំងធុនតូច និង ធុនធំ បានចូលមកធ្វើការពិនិត្យយានយន្តរបស់ខ្លួន ។
តាមមន្ត្រីផ្នែកបច្ចេកទេសត្រួតពិនិត្យយានយន្ត នៃមន្ទីរសាធារណការនឹងដឹកជញ្ជូនខេត្ត បានឲ្យដឹងថា ក្នុងរយៈ ពេលប៉ុន្មានថ្ងៃមកនេះ មានរថយន្តជាច្រើនបានចូលមកធ្វើការត្រួតពិនិត្យបច្ចេកទេសយានយន្តដែលមកពីបណ្តា ខេត្តនានាជាប់ខេត្តសៀមរាប ដោយក្នុងមួយថ្ងៃបានត្រួតពិនិត្យ និង បិទម៉ាញ៉ែត បានចំនួន២០០គ្រឿង ក្នុងមួយថ្ងៃ ។
តាមការបញ្ជាក់របស់លោក ជួត ច័ន្ទតារា អនុប្រធានមន្ទីរសាធារណការនឹងដឹកជញ្ជូនខេត្ត និង ជាក្រុមគណៈកម្មការចម្រុះត្រួតពិនិត្យសណ្តាប់ធ្នាប់ចរាចរណ៍ផ្លូវគោកខេត្ត ដែលបានចុះធ្វើការត្រួតពិនិត្យកាលពី រាត្រីថ្ងៃទី ២៩ ខែ ធ្នូ ឆ្នាំ២០១៥នេះ នៅតាមបណ្តាផ្លូវក្នុងក្រុងប្រវត្តិសាស្ត្រសៀមរាប សំខាន់នៅតំបន់ផាប់ស្ទ្រីប ជុំវិញផ្សារចាស់ ដោយបានមានប្រសាសន៍បញ្ជាក់ថា ( មានសម្លេងដើមទាំងស្រុង ) ។
ក្នុងនោះដែរបងប្អូនជាប្រជាពលរដ្ឋដែលមានមុខរបររត់ម៉ូតូរ៉ឺម៉ក់កង់បី ដឹកភ្ញៀវបានមានប្រសាសន៍ដោយថ្អូញថ្អែងប្រាប់អ្នកសារព័ត៌មានយើងថា ( មានសម្លេងដើមទាំងស្រុង ) ៕
ដោយ លុច ណាម សៀមរាប
