ខេត្តបាត់ដំបង ៖ បុរសអ្នកបើកបរម៉ូតូម្នាក់បានស្លាប់នៅនឹងកន្លែង ដោយសារបើកបរម៉ូតូក្នុងល្បឿនលឿន ហើយរេចូលទៅគន្លងផ្លូវខាងឆ្វេង ក៏ប៉ះជាមួយរថយន្តដែលបើកបរពីទិសផ្ទុយគ្នា ។
ហេតុការណ៍នេះបានកើតឡើង កាលពីថ្ងៃពុធ ១០ កើត ខែ កត្តិក ឆ្នាំកុរ ឯកស័កព.ស ២៥៦៣ ត្រូវនឹងថ្ងៃទី ០៦ ខែវិច្ឆិកា ២០១៩ វេលាម៉ោង ១៨:០០នាទី ត្រង់ក្រុមទី០៦ ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង មានករណីគ្រោះចរាចរណ៍ កើតឡើង លើផ្លូវលំក្រាលកៅស៊ូចូលអន្លង់រុនរវាង ម៉ូតូ និង រថយន្ត។
មានម៉ូតូហុងដាឌ្រីម C125 ពណ៌ ខ្មៅ សេរី ២០១៣ ពាក់ស្លាកលេខភ្នំពេញ 1BS-4847 បើកបរពីទិសខាងកើតឆ្ពោះទៅលិចក្នុងល្បឿនលឿន ដល់ចំណុចកើតហេតុ បានរេចង្កូតចូលគន្លងផ្លូវខាងឆ្វេង ធ្វើឱ្យរថយន្តម៉ាករីវ៉ូ ពណ៌ ស ពាក់ស្លាកលេខភ្នំពេញ 2AK-0027 បើកបរទិសដៅផ្ទុយគ្នាក្នុងល្បឿងលឿន គេចមិនទាន់ បានបុកម៉ូតូហុងដាឌ្រីមសេរី២០១៣ បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ ចំនួន០១នាក់ ប្រុស ចំណែកអ្នកបើកបររថយន្តបានរត់គេចខ្លួនបាត់ ។
១-អ្នកបើកបរម៉ូតូឈ្មោះ យី ប៊ុនថង ភេទប្រុស អាយុ ២៩ ឆ្នាំ រស់នៅភូមិពពាលខែ ឃុំអូរតាគី ស្រុកថ្មគោលខេត្តបាត់ដំបង ស្លាប់នៅកន្លែងកើតហេតុ
២-អ្នកបើកបររថយន្តមិនស្គាល់អត្តសញ្ញាណរត់គេចពីកន្លែងកើតហេតុ ។
ករណីនេះ ជំនាញស្រុក បានប្រគល់ឱ្យជំនាញខេត្ត ដើម្បីចាត់ការតាមនីតិវិធី ។
សូមឯកឧត្តម មេត្តាជ្រាបជារបាយការណ៍ ៕
