ក្រុមហ៊ុនមួយដែលស្ថិតនៅឃុំកោះតូចស្រុកទឹកឈូខេត្តកំពតបាននិងកំពុងជីកយកអាចម៍ដីយ៉ាងគគ្រឹកគគ្រេង នៅលើក្បាលភ្នំ ដោយគ្មានគោរពនូវបទដ្ឋានបច្ចេកទេសអ្វីឡើយ ហើយកំពុងរងនូវការរិះគន់យ៉ាងខ្លាំងពីសំណាក់ប្រជាពលរដ្ឋនៅតាមដងផ្លូវ ។
ប្រជាពលរដ្ឋដែលរស់នៅជិតនោះមានការរិះគន់យ៉ាងខ្លាំង ចំពោះអាជ្ញាធរ និងសមត្ថកិច្ចពាក់ព័ន្ធកំពុងបើកដៃឲ្យឈ្មួញជីកយកអាចម៏ដីនៅលើក្បាលភ្នំយ៉ាងពេញទំហឹង ដោយឡានដឹកដីទាំងនេះបាននិងកំពុងធ្វើឲ្យផលប៉ះពាល់លើកំណាត់ផ្លូវ និងបរិស្ថានជាខ្លាំង ។
បងប្អូនប្រជាពលរដ្ឋបានអោយដឹងថា ពួកគាត់ដែលមានផ្ទះសម្បែងនៅតាមដងផ្លូវមានការរំខានជាខ្លាំង ដោយសារក្រុមរថយន្តទាំងនោះ ដឹកដីទាំងដឹកហុយសំពោង និងលាន់រំពងយ៉ាងអនាធិបតេយ្យ រកតែសំរាកមិនបាន ។
ប្រជាពលរដ្ឋសូមអំពាវនាវដល់លោកអភិបាលខេត្តកំពតមេត្តាជួយទប់ស្កាត់ក្រុមឡានដឹកដីទាំងអស់នេះផងទាន ! ។
ដោយ គេហទំព័រ កម្ពុជា អភិវឌ្ឍន៍
