ពិធីបិទវគ្គបណ្តុះបណ្តាលស្តីពី «ការលើកកម្ពស់ការអនុវត្តច្បាប់ និងលិខិតបទដ្ឋានគតិយុត្តសម្រាប់អ្នកសារព័ត៌មាន» ក្រោមអធិបតីភាព ឯកឧត្ដមបណ្ឌិត ឆាយ សុផល តំណាង ដ៏ខ្ពង់ខ្ពស់ ឯកឧត្ដម នេត្រ ភក្ត្រា។
វគ្គបណ្តុះបណ្តាលនេះ បានប្រព្រឹត្តទៅដោយជោគជ័យ ចាប់ពីថ្ងៃទី២៣ ដល់ថ្ងៃទី២៥ ខែកុម្ភៈ ឆ្នាំ២០២៦។
ក្នុងរយៈពេល៣ថ្ងៃនេះមានសិក្ខាកាម សរុប២៤៤នាក់ មកពីអង្គភាពព័ត៌មាន ក្រសួង ស្ថាប័ន និងសមាគមនានា ដែលបង្ហាញពីការប្តេជ្ញាចិត្តខ្ពស់ក្នុងការលើកកម្ពស់វិជ្ជាជីវៈ និងការគោរពច្បាប់ក្នុងវិស័យព័ត៌មានកម្ពុជា។
📚 វគ្គបណ្តុះបណ្តាលបានផ្តោតលើប្រធានបទស្នូលសំខាន់ៗ រួមមាន៖
▪️ ការអនុវត្តច្បាប់ និងបទប្បញ្ញត្តិពាក់ព័ន្ធវិស័យព័ត៌មាន
▪️ ធម្មនុញ្ញ និងក្រមសីលធម៌ និងទំនួលខុសត្រូវវិជ្ជាជីវៈ
▪️ តួនាទី និងទំនួលខុសត្រូវរបស់អ្នកសារព័ត៌មាន
▪️ ការទប់ស្កាត់ព័ត៌មានក្លែងក្លាយ
▪️ ប្រវត្តិ និងបរិបទអភិវឌ្ឍវិស័យព័ត៌មាន និង
▪️ យន្តការដោះស្រាយវិវាទក្រៅប្រព័ន្ធ
🎓 សិក្ខាកាមចំនួន២១៦នាក់ បានបំពេញលក្ខខណ្ឌ និងទទួលវិញ្ញាបនបត្របញ្ជាក់ការសិក្សា ដែលមានភ្ជាប់ QR Code ដើម្បីធានាស្តង់ដារ និងគុណភាពបណ្តុះបណ្តាល។
📊 លទ្ធផលស្ទង់មតិបង្ហាញថា៖
✔️ ៩៥.៩% យល់ថាវគ្គមានអត្ថប្រយោជន៍ និងមានភាព
ច្បាស់លាស់
✔️ ជាង ៩៨% មានការពេញចិត្តចំពោះគុណភាពវគ្គ
✔️ ៧១.៨% វាយតម្លៃថាគ្រូបង្រៀនមានសមត្ថភាពល្អ
ណាស់
វគ្គបណ្តុះបណ្តាលនេះ ជាជំហានសំខាន់ក្នុងការពង្រឹងស្មារតីគោរពច្បាប់ សុចរិតភាព និងការទទួលខុសត្រូវក្នុងការផ្សព្វផ្សាយព័ត៌មាន ប្រកបដោយភាពត្រឹមត្រូវ និងសុវត្ថិភាព។
✨ ក្រសួងព័ត៌មាន បន្តប្តេជ្ញាចិត្តលើកកម្ពស់គុណភាពវិស័យព័ត៌មាន និងសោតទស្សន៍ ដើម្បីបង្កើនភាពជឿទុកចិត្តពីសាធារណៈជន និងរួមចំណែកថែរក្សាស្ថិរភាពសង្គម។
