(ស្វាយរៀង) ៖ មួយរយះចុងក្រោយនេះ ម្ចាស់កាស៊ីណូដែលមានស្លាកយីហោ កាស៊ីណូ អេសវីCASINO SV បើកអោយពលរដ្ឋខ្មែរនិងជនជាតិវៀតណាមខ្លះមានប៉ាស្ព័រខ្លះទៀតមិនមានប៉ាស្ព័រឆ្លងដែនចេញចូលលេងស៊ីសងខុសច្បាប់យ៉ាងពេញបន្ទុក រីឯនាយប៉ុស្តិ៍នគរបាលច្រកអន្តរជាតិព្រំដែនព្រៃវល្លិ៍ និងសមត្ថកិច្ចមូលដ្ឋានមិនទាន់ចាត់វិធានការបង្ក្រាបនោះទេ ទុកឲ្យលេងតាមអំពេីចិត្ត។
ប្រភពពីប្រជាពលរដ្ឋររស់នៅជិតព្រំដែនច្រកអន្តរជាតិព្រៃវលិ៍ស្រុកកំពង់រោទិ៍ ខេត្តស្វាយរៀង បានឲ្យដឹងថា កាស៊ីណូ មួយកន្លែង ដែលមានស្លាកយីហោ
កាស៊ីណូ អេសវីCASINO SVកំពុងបើកឲ្យពលរដ្ឋខ្មែរនិងជនជាតិវៀតណាមឆ្លងដែនខ្លះមានប៉ាស្ព័រខ្លះទៀតមិនមានប៉ាស្ព័រចេញចូលលេងល្បែងដោយសេរី ចាក់ភ្នាល់ដាក់លុយសុីសងខុសច្បាប់ ជល់មាន់ បៀរ អាប៉ោង យូគីយ៉ាងគគ្រឹកគគ្រេង អាជ្ញាធរនិងសមត្ថកិច្ចមូលដ្ឋានស្រុក.ខេត្ត.មិនហ៊ានធ្វើការទប់ស្កាត់និងបង្ក្រាបនោះទេ បែជានាំគ្នាបំភ្លេចគោលនយោបាយ ភូមិ ឃុំ សង្កាត់ មានសុវត្ថិភាព៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ។
អាជ្ញាធរថ្នាក់ឃុំ និងសមត្ថកិច្ចថ្នាក់ស្រុក មិនគួរបណ្តែតបណ្តោយឲ្យបុគ្គលជាម្ចាស់ កាសុីណូ មួយកន្លែង ដែលមានស្លាកយីហោ កាស៊ីណូ អេសវីCASINO SV បើកអោយក្រុមញៀនល្បែងពលរដ្ឋខ្មែរនិងជនជាតិវៀតណាមឆ្លងដែនចេញចូលលេងល្បែងគឺជល់មាន់ បៀរ អាប៉ោង និងល្បែងផ្សេងៗជាច្រើនប្រភេទទៀតយ៉ាងគគ្រឹក គគ្រេងធ្វើអោយពលរដ្ឋដែលរស់នៅក្បែរទីតាំងនោះមានការព្រួយបារម្ភភ័យខ្លាចមានបញ្ហាអសន្តិសុខ សង្គម និងអំពើចោរកម្ម ចោរលួច ចោរឆក់ ចោរប្លន់ ចោរគាស់ផ្ទះប្រើអំពេីហឹង្សាក្នុងគ្រួសារគ្រឿងញៀនជាដើមចមចេញពីល្បែងសុីសងនេះឯង។
ហេតុនេះហើយលោក ពេជ្រ វិរះ ស្នងការដ្ឋាននគរបាលខេត្តស្វាយរៀង មិនគួរមើលរំលងភាពអសកម្មរបស់លោក នាយប៉ុស្ដិ៍នគរបាលច្រកទ្វារព្រំដែនអន្តរជាតិព្រៃវ័រដែលបណ្តោយឲ្យម្ចាស់កាសុីណូ អេសវីCASINO SV
បើកអោយពលរដ្ឋខ្មែរនិងជនជាតិវៀតណាម ឆ្លងដែនខ្លះមានប៉ាស្ព័រខ្លះទៀតមិនមានប៉ាស្ព័រចេញចូលលេងល្បែងជល់មាន់ទ្រង់ទ្រាយធំ នៅក្នុងកាសុីណូ ក្នុងមូលដ្ឋានរបស់ខ្លួនគ្រប់គ្រងមិនទាន់ទប់ស្កាត់។
ប្រជាពលរដ្ឋរស់នៅ ជិតច្រកព្រំដែនអន្តរជាតិព្រៃវ៉រនៃស្រុកកំពង់រោទិ៍ សូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនិងលោកនាយឧត្តមសេនីយ៍ ស ថេត អគ្គស្នងការនគរបាលជាតិ មេត្តាចាត់កម្លាំងមន្ត្រីជំនាញក្រោមឱវាទចុះពិនិត្យស្រាវជ្រាវម្ចាស់កាសុីណូមួយកន្លែងដែលទល់មុខ ច្រកព្រំដែនអន្តរជាតិព្រៃវ័រដែលហ៊ានបើកអោយពលរដ្ឋខ្មែរ និងជនជាតិវៀតណាមឆ្លងដែនខ្លះមានប៉ាស្ព័រ ខ្លះទៀតមិនមានប៉ាស្ព័ចេញចូលលេងល្បែងសុីសងយ៉ាងគគ្រឹក គគ្រេងនៅក្នុងភូមិសាស្ត្រខាងលើទប់ស្កាត់និងបង្ក្រាប អោយមានប្រសិទ្ធភាព ដើម្បីពង្រឹងសន្តិសុខសណ្ដាប់ធ្នាប់ជូនពលរដ្ឋមូលដ្ឋាន ៕
