ខេត្តប៉ៃលិន៖ ហេតុការគ្រោះថ្នាក់ចរាចរណ៍មួយរវាងម៉ូតូបុកជាមួយម៉ូតូ បណ្តាលឲ្យបុរសចំណាស់ម្នាក់រងរបួសសន្លប់និងកន្លែង ត្រូវរថយន្តរបស់មន្ទីរពេទ្យបង្អែកខេត្ត ដឹងទៅ សង្គ្រោះភ្លាមៗ ។គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១១ និង១០នាទីព្រឹកថ្ងៃទី១៤ ខែមករា ឆ្នាំ២០១៩ លើកំណាត់ផ្លូវជាតិលេខ៥៧ ស្ថិតក្នុងភូមិអូរតាពុកក្រោម សង្កាត់ទូលល្វា ក្រុងប៉ៃលិន ខេត្តប៉ៃលិន ។
តាមប្រភពព័ត៌មានពីកន្លែងកើតហេតុ បានឲ្យដឹងថា៖មុនពេលកើតហេតុគេឃើញម៉ូតូពីរគ្រឿងបើកបរក្នុងទឹសដៅស្របគ្នា ដោយម៉ូតូមួយគ្រឿងបើកបរដោយបុរសចំណាស់ម្នាក់ និងមួយគ្រឿងទៀតបើកបរដោយក្មេងប្រុសម្នាក់ទើបចេញពីសាលារៀន ក្នុងទឹសដៅពីលិចទៅកើត លុះដល់ចំណុចកើតហេតុ ម៉ូតូដែលបើកបរដោយក្មេងប្រុស បានប៉ះគ្នាជាមួយម៉ូតូបុរសចំណាស់ បណ្តាលឲ្យដួលទាំងពីរគ្រឿង ចំណែកបុរសចំណាស់បានសន្លប់និងកន្លែង ។ ប្រភពព័ត៌មាន បានបន្តថា៖ ក្រោយពេលកើតហេតុ គេឃើញសមត្ថកិច្ចចរាចរណ៍នៃស្នងការនគរបាលខេត្ត ចុះមកវាស់វែង ចំណែក បុរសដែលរងគ្រោះ ត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិនភ្លាមៗ។បើតាមប្រភពព័ត៌មាន បានបញ្ជាក់ដែរថា៖ បច្ចុប្បន្ន ពួកគាត់សង្កេតឃើញថា ក្នុងខេត្តប៉ៃលិនទាំងមូល អ្នកបើកបរម៉ូតូភាគច្រើនគឺសុទ្ធតែជាក្មេងៗ ដែលមិនទាន់គ្រប់អាយុ ដោយសារតែឪពុកម្តាយមួយចំនួន ដែលមានលុយបើកដៃ និងទិញម៉ូតូឲ្យកូនជិៈ ស្នើសុំសមត្ថកិច្ចពិនិត្យមើលត្រង់កន្លែងចំណុចនេះផងដែរ ។
លោកអនុសេនីយ៍ទោ ហែន ពុជ នាយផ្នែកវាស់វែង និងដំណោះស្រាយចរាចរណ៍ នៃស្នងការនគបាលខេត្តប៉ៃលិន បានឲ្យដឹងថា៖ ជនរងគ្រោះមានឈ្មោះ សឿន សាក់ ភេទប្រុស អាយុ៧៥ឆ្នាំ ជាទាហានរំសាយ មានទីលំនៅភូមិអូរច្រាលិន សង្កាត់ទូលល្វា ក្រុងប៉ៃលិន (សន្លបនិងកន្លែង) ជិៈម៉ូតូសងចិន ពណ៌ខ្មៅ ខៀវ ពាក់ស្លាកលេខប៉ៃលិន 1B-3120 ក្នុងទឹសដៅពីលិចទៅកើត ។ចំណែកជនបង្កឈ្មោះ ស៊ី និត ភេទប្រុស អាយុ១៤ឆ្នាំ ជាសិស្ស អត់រងរបួស រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ដោយជិៈម៉ូតូម៉ាកYAMAHA ពណ៌ខ្មៅ គ្មានស្លាកលេខ បើកបរស្របទឹសគ្នាជាមួយជនរងគ្រោះ ។លោក បានបន្តទៀតថា៖ បើពិនិត្យនៅកន្លែងកើតហេតុ សមត្ថកិច្ចរបស់លោកសង្កេតឃើញថា ក្មេងប្រុស ដែលបើកបរម៉ូតូYAMAHA បានទៅបុកបុរសរងគ្រោះពីក្រោយ ពេញទំហឹង តែម្តង បណ្តាលឲ្យសន្លប់និងកន្លែង ។ បច្ចុប្បន្ន ម៉ូតូទាំងពីរគ្រឿង ត្រូវកម្លាំងសមត្ថកិច្ចជំនាញចរាចរណ៍ យកមករក្សាទុកនៅការិយាល័យចរាចរណ៍ខេត្ត រងចំការដោះស្រាយគ្នាតាមនីតិវិធី ចំណែកបុរសរងគ្រោះ ត្រូវបានដឹកទៅសង្គ្រោះនៅមន្ទីរពេទ្យបង្អែកខេត្តប៉ៃលិនផងដែរ ៕
ដោយ សេង សុវណ្ណារិទ្ធ
